[لمى...]

السلام عليكم
سوري عالتأخير
حنا انتهينا عند تاريخ 1 / 12

2 / 12
اكلت بالفطور


رقائق الشوفان مع نص تمره قطعتها قطع صغيره و حليب الصويا
وعصير جزر بس نسيت اصوره لأني كنت مستعجله ...


الغدا أكلت


مكرونة قمح مع فطر وبصل وميسو مخلوط بحليب الصويا .


العشا أكلت


العشا نفس الساندويتش اللي سويته قبل وهاذي طريقته
فتحت علبة جبنة التوفو وذقت شوية منها مالها طعم ابدا ماتقبلتها رحت حطيتها بالقلاية وحطيت ملعقة صغيرة زيت زيتون وملح بحر شوي ونعناع شوي وقليتها ولما خلصت عصرت عليها شوية ليمون
صار طعمها احسن شوي واللي يعرف طريقة ثانية لايبخل علي...
المهم حطيتها في خبز القمح الكامل وكليت معها خيار وحمص وعصير...


يوم 3 / 12
الفطور ماصورته تفاحة بس لأني كنت مستعجلة ومو جوعانه
كنت طالعة للخبر لاني اضطريت اشتري اغراض ضرورية ولما جعت ماامداني أمر المطعم الياباني
لقيت قدامي مطعم صب واي عندهم خبز القمح الكامل وخبز الشوفان الكامل
بس للاسف ماعندهم لاسمك ولاربيان رحت انا واخترت قطعة دجاجة
والتزمت بباقي الاشياء حطيت فوقها خيار مخلل وزيت زيتون وخس وخردل ماسترده يعني الغلطة الوحيده الدجاج ويمكن الخس خذيت معها عصير تروبيكانا

هاذي الصوره



لما جيت من برا شربت شاي اخضر
وفي الليل شربت شوربة الخضار والأعشاب البحرية مع الميسو يمي يمي ... بس ماصورتها ...


يوم 4 / 12

أفطرت على حبوب الشوفان نفس فطور يوم 2 / 12

والغداء أكلت


مكرونة القمح مع الخضار كوسة وجزر وكراث وملفوف وعلى جنب خيار وفجل ...
في اللي أكلت ساندويتش جبنة التوفو المقلية بنفس طريقتي الأولى مع عصير برتقال ...


يوم 5 / 12 يعني البارح

للأسف مافي صور كنا طالعين رحلة للبر وجوالي كان شحنه خفيف ماقدرت اصور
المهم قبل مانروح للرحلة اكلت حبوب الشوفان مع حليب الصويا ...

وكنت قاعدة على الساعة 2 الظهر اتجهزنا وحركنا على الساعة 5 العصر اكلت تفاحة
وكمثرى وكانو يسوون لي اغراءات بالشوكولاته ومشاءالله علي ماتوقعت عزيمتي كذا الصدفيه
علمتني الصبر رفضت الشوكلت نهائيا ولاخربطت

وفي الليل شوينا ربيان وسمك يمي يمي ...
وكالعادة بين الوجبات اكل عنب او تفاح او عصير جزر بس ماضبطته بس بحاول فيه
أو آكل زبادي او شاي اخضر او شاي نعناع
او كوسه مشوي اذا كنت مرا جوعانه ....

وبس
فتكو بعافية ...