قلت لنفسي ليش ما تدور في اليوتيوب شي يسلي خاطرك ويخفف من همومك وجتني انشودة
رحــــــــمن يــا رحــمن يامن فوق عرشه مُــــرتــفع
يا قــــاضي الحــاجات يا من بالـــســـراير مُـــطــلــع
واخليها وبصراحة باقي صدري ماطاب وادور شي ثاني ويطلع لي الشعراوي الله يرحمة قلت اكيد الطب عند ذا الشيخ وكان موضوع المقطع ( لاتشيل هم بكرة) واسمع ذيك الحديث يقول فيه خلقتك للعبادة فلا تذهب وقسمت لك رزقك فلا تتعب ،،
وبصراحة عجبني بس باقي فيني شي مادري وشوا
وازيد ابحث الا اوانا في طلال مداح الله يرحمه في (قادر الله )،،
انا لله وانا اليه راجعون يعني مابه حي يقدر يفرج على المهموم كرباته كلهم ماتو بهمومهم ..
ولا زال البحث مستمر الا اوانا في ذيك العنوان قصة عجيبة قلت اكيد الشفاء في القصة وافتح المقطع الا والتسجيل سيئ كنه يتكلم في تنكه وضامني راسي وادور غيره ،،
الا اوانا في هذا الرجال الله يحفظه
في مقطع له بعنوان الثقة بالله والتوكل على الله بداء بقوله ،، ابى الله ان يغني من افتقر اليه ويفقر من افتقر لغيره لذلك قال الله في الحديث القدسي { وعزتي وجلالي ما اعتصم بي عبد فكادته السموات والارض الا جعلت له مخرجا ، وعزتي وجلالي ما اعتصم عبد بغيري الا وكلته لما وكل اليه } يكمل الشيخ والله كأنه كان يتكلم عن حالتي والّي يدور وظيفة كيف يدور واسطة ويبي من يساعده وهات يارسايل وتكفى ياشيخ عادل ومن تحولني عليه وياشيخ ماتردون .. من جد هزتني
والله انها دمعت عيوني وانشرح صدري وزددت شوقا وحبا لربي،،
وقلت افا يانفس تبين تذلين نفسك للجنود وتنسين الحاكم ,,
افا يانفس تطلبين المملوكين وتنسين الملك ,,
افا يانفس نسيتي الوكيل وتبين تتوكلين على المتوكلين
قلت مافيها كلام والله لكتب ذا العلم لناس كثير مثل حالتي عسانا نحسن الظن بالله فيحسن الله بنا العمل
لكن باقي فيني بعض بعض الالتباس قلت عسى بيننا من يوضحه
س/ بصراحة هل ترجي الاخرين ينقص الايمان ؟
س/ طيب بعد ما التجاء الانسان الى الله وقام بعدها يدور واسطة هل هذا نقص في التوكل ؟
س/ هل الارزاق اقدار ام فهلوة زي مايقول البعض ؟
س/ بعض ااصحاب الشهادات العلياء في برنامج على الهواء اجاز اعطاء رشوة للحصول على وظيف هي من حقك في التعيين لكن وضع فيها غيرك لواسطة اقوى ؟؟ وش رايكم
سلمت قلوب اعطتني من وقتها ,, لنقف جميعا هنا لحظات