قلت عجيب امرك ياصاحبي
وخبرك اعجب خبر..
بتسأل عن القلب اللي صاير حجر..
كم مرة منك انجرح قلبي وانكسر..
كم مرة انطعن منك بسيف الغدر..
كم مرة زخ الدمع منه متل زخ المطر..
منك انا شفت كل الالم ..كل العذاب وكل القهر..
كنت سندك.. كنت عضدك ..وأقوى ضهر..
كنت ظلك ..كنت بحرك..اوسع بحر..
بعت لخاطرك كل البشر..
كتبت لأجلك دواوين وشعر..
وانت اللي على اسمي انشهر..
قالوا شاعر مايجف اله حبر..
تمشي بين الناس وبأشعاري تفتخر
رفعتك للسما نجم وقمر وبدر..
********
ولما انتهى دوري بحياتك..
رميتني بلحظة غدر..
مشيتني فوق الجمر..
ودفنتني جوا القبر..
وحيد بليلي غريب بين البشر..
يمر بخاطري شريط الصور..
ثار بداخلي بركان الغضب وانفجر
نشف الدم من عروقي وصرت كتلة صخر
لاتحس بيك ولا تعتبر..
لكن اذا انا قلبي حجر
انت اللي منك اشتكى الحجر
وصرخ وانفجر وقال..
عليكم الله ياسامعين الخبر
لاتشبهوني بهذا البشر
إهداء إلى أخ مجروح من صديق طفولته