[ورد جوري]

المشاركة الأصلية كتبت بواسطة راغبة في رضا الله

ياحبيبتي ورد
وانا بسعد لما شوف اسمك موجود بالشفاء وعلى صفحاتي
دعوت لجدتكِ كثيرا
أسأل الله ان يرحمها ويسكنها فسيح جنانه
بالنسبة لماسة ولين انا بعرف انك بتحبيهن كتير وانا متأكدة انه بس يكبروا ويفهموا حيحبوكي كتير
أحلى ورد ربنا يسعد ايامك

الله يرضى عنك حبيبتي ويرحم موتى المسلمين جميعا
تيتا عانت كتير وتحملت كتير آلام وان شاء الله بتكون هلاء مرتاحة , مع انو فراقها صعب كتير بس بقول ان شاء الله تكون هيي ارتاحت..
خوفي هلاء على ماما اللي دموعها ماعم توقف وصوتها ماعاد ينسمع
وجدو اللي يموت عليها وما منسميهم غير قيس وليلى ع أد ما بحبو بعض ويغازلو بعض وهني بعمر الثمانين
اقسى لحظة بعد التغسيل نادوا على جدو قالوله تعال شوفها وسلم عليها وجدو فاقد بصرو, قال لهم كيف بدي شوفها!
نزل عليها ع الارض بوسها وحضنها وظل يبكي.
نسأل الله الصبر ..
بتزكر كلماتك لما تقولي شعرت باليتم وانا بعمر الثلاثين
وهلاء بسمعها وبشوفها بعيون ماما وهيي من بعمر الخمسين
عنجد الام مابتتعوض ,, الحمد لله على كل حال.


الله يحفظ ماسة ولين ويرزقهم ايام حلوة ومايحرمك منهم ولا يحرمهم منك حبيبتي..