[جودينا]

المشاركة الأصلية كتبت بواسطة أجوان

السلام عليكم // خيراً رأيتم وشراً كفيتم

الرؤى علم لايخوض فيه إلا متمكن ..جودي إن شاالله رؤى خير لك
ومو شرط اللي يشوفك في المنام يكون شخص علاقتك فيه قويه انا مره
قابلت استاذتي في الجامعه صافحتها قالت انا شفتك في المنام ضحكت قلت من بين ألف ومدري
كم طالبه ماشفتي غيري ؟! المهم قلت عساه خير قالت خير إن شاالله وليومك ماسألتها عن الرؤيا
انا بصراحه ماسبق ورأيت احلام تخص الصدفيه إلامره رأيت إمرأه مغطاة الوجه وكأنها جالسه
على صدري // ومرات أرى اني اسقط من مكان مرتفع او تنزلق قدمي .. هذي ابرز الرؤى
التي اظن انها مرتبطه بالصدفيه والله أعلم وبقولك جودي دايماً أحسني الظن بالله دايماً حطي في بالك

أن الله راح يشفيك وماراح يضيع صبرك واحتسابك /// ليش احنا دايماً تحصلنا الاشياء اللي نخاف منها ؟! مثلاً إللي يخاف من مرض او رسوب او يخاف مايشفى يحصله هذا الشيء لأنه باختصار أساء الظن بالله وفي الحديث القدسي ( أنا عند ظن عبدي بي فليظن عبدي بي مايشاء ) / ( وأنا عند حسن ظن عبدي بي إن خيراً فخير وإن شراً فشر ) المهم ان نقدم حسن الظن دائماً ونقدم الخير حتى وإن كانت الرؤى والقرائن تدل على نقيض ذلك .. تمنياتي للجميع بمنامات سعيده ومبشره دائماً بالخير والرخاء والسعاده .

اهلا جونه
وعليكم السلام
والله شوفي حاجتين ما اهتم فيهم
العين وملحقاتها والاحلام وتفسيراتها
اشره على من يقول انا معيون والا انتي معيونه
والاحلام بعد ابدا ما اتعلق فيها لكن يوم تكون طيبه وتتحقق وقتها اتذكر اللي شفته بالمنام او اللي قالوه لي
نادر جدا ما اشوف احلام يعني الاغلب تكون خرابيط تخوف ولا اتذكر اغلبها اذا صحيت ولكن عموما تكون تخوف يا اكون ضايعه والا طايحه من فوووق والا حشرات , حيوانات,عقارب, واجب ماحليته, اختبار فاتني الخ الخ الخ الخ بس هذي مالها علاقه بالصدفيه
حتى انتي الحرمه اللي شفتيها على صدرك والا الطيحه ما اعتقد لها علاقه بالصدفيه
والتفاؤل متفائلين ياجونه من غير الاحلام