[ريحانة المدينه]

رايت يوم الجمعه الماضيه بعد صلاة الفجر
بأن رجل يقال انه خياط يخيط الملابس بمعنى اوضح كأنه بالمدينه المنوره وطالبينه يشتغل عندنا بمنطقتنا وانا ساكنه بضواحي المدينه
وكأني انا اسأله اقول بتجي عندنا بمنطقتنا وكأنه مره شفته جالس بغرفه الجلوس ببيتنا وقال انا راح اقرأعن هذي المنطقه أكثر وأردلك
المهم اني خرجت من باب البيت حقنا ومعايه المصحف حقي الي أنا الحين أحفظ فيه والباب الي خرجت منه ملغي الحين بالبيت ملغي لغي نهائي
ولما طلعت بالحوش رايت حيوان كأنه ماعز وجالس يتألم ويرفع رجوله الى السماء وجبت له بطانيه بلحفه قلت حرام بردان لما جيت الحفه قال البطانيه فيها عصايه وفعلا البطانيه فيها عصا ورميتها وبعدين طلعوا امي وخالتي من البيت قالت امي ياحرام هذا الحيوان مقروص قالت خالتي انا البنت الوحيده الي من بناتي ماانقرصت نوره وبعدين شفت نفسي اقول امشي على البلاطه الي عند بيتنا واقول يالله أنا اخاف من العقارب الاوعقرب بجنبي تطير على الارض وانا جالسه اصارخ الاوهيه تطير على راسي وانا اصارخ ولما طارت على راسي قالت امي يارب اني استودعتك بنتي وجالسه تدور العقرب على جسمي بس ماقرصتني الاواخويه الي بأول ابتدائي يقول شروق قولي لااله الا الله وهزتني كلمته هذي وصحيت

الله يسعدك تفسره لي بأسرع وقت
العمر 24
عزبا
جامعيه
ادرس بدار تحفيظ والمصحف الي كان بيدي في الحلم هوه الي أنا احفظ فيه الحين