شو مالك طيب ياعم
قاعد وحاطط هالهم
وشك بلون الدم
ومافي ضحكة بالتم
والتكشيرة بتغم غم
طول بالك ياعم
مافي شي مستاهل
بكرة بتهون وبتحلى
وبتصير احلى واحلى
صحتك من كل شي اغلى
خلي مزاجك يعلى
وادعو ربك الاعلى
بالفرح حياتك يملا
اسمع وركز ياعم
مافي شي بيدوم
وبكرة اللي سببلك هم
وجرحك ودوقك السم
لازم بكرة يندم
ومافي حال بيدوم
لافرح ولاهموم
انت تعبان اليوم
وبكرة بتقوى وبتقوم
واحسن تنام مظلوم
بلا العتب واللوم
واللي منو زعلان
وكاره حالك وقرفان
خيك لو شو ماكان
وعشرة ايام وزمان
مابيضيعها النسيان
ولابتمحيها الاحزان
تزكر انكم اخوان
وهو بشر وانسان
بيغلط وانت كمان
يالله انسى اللي كان
وصالح خيك الزعلان
وقلو نحنا اخوان
سرنا عدرب الإيمان
وعم تستنانا الجنان
ايدي بايدك ياعم
روق وبلاش الهم
بكرة بتفرج وتحلى
وبتصير احلى واحلى
أتمنى ان تعجبكم
اختكم راغبة في رضا الله
ملاحظة:اذا مافهمتو بعض الكلمات خبروني منشان فسرلكم
السلام عليكم