[محبه للخير]

السلام عليكم ورحمة الله وبركاته

كلام الاخوه فيه خير وبركه

لكن أبغى ألفت نظرك لما تغضبي إعلمي أنك الخسرانه الوحيده

زوجك يتعب ويشقى ويشوفك كذا ماراح يقول

الله يعطيك العافيه تتعبي كثير ...لا ...راح يقول كلام ثاني يمكن إنت قد سمعتيه

ولاتنسي زوجك أهم واحد تهتمي فيه لأنه جنتك ونارك وياجي المسكين

وتعصبي في وجهه وترفعي صوتك و.....تتوقعي كيف راح يكون رده

والعيال ممكن يكرهوك ويأخذوا منك موقف وممكن قد ماتتعبي معاهم مايقدروا جهدك

وهذه حاجه تقهر بالنسبه لك جربي كل أمورك تأخذيها بهدااااااوه

في هذه الحاله بس راح يحبوك ويساعدوك من نفسهم حتى قبل ماتطلبي

بس إنت أول صححي معاملتك معاهم ودائما خذيهم بالحسنى...

هذا غير ممكن ياجيك الضغط والسكر وتصير المشكله أكبر ....


الله يحفظك من كل شر ويخليك لزوجك و عيالك

عشان كذا تذكري وصية رسولنا الحبيب صلى الله عليه وسلم ...لا تغضب ...فرددها مراراً

لذلك أول ماتشعري إنك بديتي تعصبي تعوذي من إبليس

خذي نفس عميق مره واثنين وثلاثه

انتبه يطلع منك كلام سيء على عيالك

وادعي لعيالك بالصلاح وفهميهم أننا لازم تكون قلوبنا على بعض

يعني إذا عندكم دروس أنا ممكن أساعدكم فيها

أنا أسوي لكم أكل وأنضف البيت وأغسل الملابس وووو وفوق هذا

بدال ماتساعدوني تتعبوني أكثر

وفكري دائما في الأسوء وأنه الحمد لله لم يحصل

وقبل ماتنامي لاتنسي تقولي .....

سبحان الله 33 مره

والحمد لله 33 مره

والله أكبر 34 مره

فهذه وصية الرسول صلى الله عليه وسلم عندما شكت له ابنته

كثرت الأعمال وكانت تريد خادما لها ....والله أعلم ....

وكمان اكثري من الاستغفار فبإذن الله يجعل لك من كل همٍ فرجا

ومن كل ضيق مخرجا ويرزقك من حيث لاتحتسبي

والله يعينك ويساعدك