المشكلة الكبيرة يا أخواني انو الناس مصدقة حالها ..
رح يصيرلنا دولة وحقوق متل اي شعب ومش عارفة شو من هالكلام اللي لا بزيد ولا بنقص..
بالاول قالو استحقاق ايلول .. صار لفلسطين مكان بالامم المتحدة ..
كل العالم تاني يوم رافعة علم فلسطين .. عالسيارات .. بالشوارع .. ع اسطح البيوت ..
وكانو فلسطين تحررت ورجعو اللاجئين ..
وبعدين لما بتعترف اليونيسكو بدولة فلسطين .. بيجي ابصر كام انذار للمقدسيين في سلوان عشان بيوتهم رح يتم هدمها ..
والمستوطنات عم تكبر وتكبر .. واللاجئين بمخيماتهم .. جوا البلاد او برا البلاد .. لا راحو ولا اجو ..
وعكا وحيفا والناصرة والنقب والرملة وكل ارض ال 48 بقيت مع اسرائيل ..
طيب .. مو بدهم دولة فلسطين عاصمتها القدس ..
طيب وين القدس؟؟ اذا النملة اللي حاملة هوية خضرا ما بتمرق عن المعابر الا بتصريح وبعد طلوع الروح ..
طيب شو ضل لدولة فلسطين؟؟
شارع رام الله الخليل نابلس؟؟ هادي هيي فلسطين بنظرهم!!
طيب وبعدين؟؟ متى رح يفهمو الناس انو اليهود ما بيجو غير بالدم ..
واحلى شي بالموضوع .. انو شركات الاتصال الخلوي الفلسطينية .. صارت تحط شعار على كل جوال "un 194"
عنجد رجعولنا فلسطين .. يخلف عليكو والله ..
شر البلية ما يضحك!!