السلام عليكم ورحمه الله وبركاته
انا كان عندى مشكله فى الزواج وما زالت قائمه
فذهبت الى شيخ حتى اطمأن
فقرأ عليا فى جلسه جماعيه بعض الايات
وانا كنت مغمضه عينى
حسيت ان ى حاجه فى عينى مش طبعيه
نبض او فى حركه كتير فى عينى غير طبعيه
وكانت بتزيد اوى فى بعض الاوقات اثناء الجلسه وانا مغمضه عينى
وجسمى كان تقيبل اوى واعصابى سابت خالص
وبعدين رش عليا ميه مقرى عليها قرآن
على عينى
مكنتش عارفه اخد نفسى
واعصابى سابت اكتر
واعد اعيط بعدها كتييييير
بعدها قالى ان فى عمل لابطال الزواج
وادانى عسل باعشاب
وورق قرآن لاشرب منه واستحمه به
وبخور ابخر بيه فى ايام معينه
مش عارفه انا كده صح
ولا ايه
كمان كان فى حاجه هناك
لو كان فى حد عليه جنى
بيعالجها بنفسه
فكانت هناك نساء بتتكشف
وكان هو بيمسكها يضربها على ظهرها
ويكتم نفسها
هو ده يجوز
ارجوكم فيدونى بالله عليكم
جزاكم الله خيرا