[راغبة في رضا الله]

المشاركة الأصلية كتبت بواسطة أبومحمودالسوري

السلام عليكم


في واحد ماشي بالشارع و عم يقول: يلعن روحك يا سمير..
قام شافو شبيح و ضربو كف و قلو: و كمان ما بتعرف اسم الرئيس.....^_^

انتظرونـــــــــــــــــــــــــــــــا

هههه هاي أكتر وحدة عجبتني خييي أبو محمود
أضحك الله سنك فقد أضحكتني بالرغم ان نفسيتي متعبة كثيرا اليوم
بارك الله بك
مع أطفالنا اكبادنا بعض القصص الواقعية :
ذهبت من يومين لزيارة اهل زوجي في مدينة البوكمال
وزرت ايضا اختي التي تسكن مع زوجها هناك
وانا عندها وإذ بمديرة مدرسة ابنها الذي في الصف السادس الابتدائي تتصل بها وتقول ابعثي لي ولي امر ابنك فورا
فخافت اختي فهي تعلم ان ابنها الأول عالصف ولكنه مشكلجي
وعندما ذهب ابوه للمدرسة قالت له المديرة ان مجموعة من طلاب الابتدائي كانوا عم يهتفوا (لسمير) أو مدري شو اسمه
قام ابن اخي المصون جمع مجموعة وبدؤوا بمظاهرة بالمدرسة
وارحل ارحل ياسمير هههه
قالت المديرة لزوج اختي
الله يسترك يادكتور عنا تعليمات مشددة كل طفل بيهتف بتبعتولنا ياه عالتحقيق ,هالمرة لمّينا الموضوع بس مو كل مرة بتسلم الجرة المرة الماضية اخدوا طلاب الاعدادي وكسروا ايدهن ورجليهن ,الله المستعان

قالت اختي كنا مسافرين وكانت راكبة طفلة عمرها 4 سنوات وعالطريق لما وصلوا عالحاجز وبدا التفتيش بدأت تهتف:
الشعب يريد اسقاط النظام
طبعا من حسن الحظ انه اللي واقف عالحاجز هالمرة مجند من الجيش وليس من الشبيحة فلما سمعها أشار للباص انه يمشي بسرعة قبل مايسمع الكلام حدا غيره ,وطبعا قالت الام لبنتها
مابيصير تحكي هيك ياماما بياخدونا الشرطة
عالحاجز اللي بعده وقف الباص وبدت البنت تهتف
الله سوريا بشار وبس
قامت وحدة من الجالسين قالت لها برافو بنتي برافو
ردت عليها الطفلة بأعلى صوت:
والله ياخالة الشعب يريد اسقاط النظام
بس انا خايفة من الشرطة ياخدوا بابا وماما

تبقى زكروني فرمت الجهاز قبل ما اطلع الاسبوع الجاي عالمطار ان شاء الله
لا انسى شكر الجميع وخاصة ابو محمود وحبيبتي زهورة
السلام عليكم