[مصدكوف]

المشاركة الأصلية كتبت بواسطة abo.alfars

اخوي الفاضل
تنصحني استخدمهن جميع لاني بصراحه لقيت واحد اللي هو سيلكا اوكي وسعره 80ريال

ودي اقول ايه .. وخايف إن مانفع من قولة ايه

كل ما اعرف ( معلومات نت ) أنها نافعة بشكل عام ولا ضرر منها والنتائج تظهر من شهرين لثلاثة

أنا شرحك سرا كنت منقط مرنقط وكانت خفيفة لعدة سنوات ثم فجأة إنتشار كامل عدا الوجه

ارتعت ورحت للمستشفى ومع الوقت عرفت ماعندهم سنع

وبعد شهرين او ثلاثة من الحيرة والإنزواء قررت ترك الطب والتوجه للبديل

استعملت السيلكا ( اتبع الرابط في المشاركة 5 ) وقبلها استعملتsupplement بإستشارة الطب البديل واذكر كان يقول لي هرمون يعني السبب

المقصود يالغالي من الروعة كنت اريد اي شيء وإذا بدأت في فيتامين آخر لا اوقف السابق حتى أني لمدة اسبوعين تقريبا كنت استعمل 4 انواع مكملات غذائية وعليه لا أعلم المسبب الأساس او هي تراكمات او خلقة ما لها سنع ( انا مريض مو دكتور )

وفجأة شعرت بالتحسن وأخذ بالتسارع ( حتى اني اقوم من النوم واشيك اشوف الفرق عن امس ) ثم توقف التحسن عند 80% ثم كل شهر ابدو أفضل من السابق والحين لو تشوفني بتقول إني نصاب ماكان فيني صدفية قبل كذا

حتى صدفية الرأس راحت وأنا ما دريت يعني ما سويت لها شيء وحتى ما كنت متابعها مع أنها هي الأقدم

ما انساها العام مثل هالوقت قال لي أحد الطلاب جايك العنقز يا استاد .. قلت بنفسي هذا وهي طابت وشلون لو إنك شايفني قبل كم شهر .. والسنة ذي الحمد لله اطلع ذرعاني عند الطلاب والمدرسين ( مدرس رياضة )

اليوم ماسكة سوالف .. يا عسانا نسولف بالجنة يا رب