[مصدووف]

والله فعلاً الصدفية امره عجيب ومحير
اني مرة صار بيه تيفوئيد وكنت في بغداد ايام الدراسة والجو حار وفوكاها حمة قاتلة
كنت اسبح على راس كل ساعة بسبب درجة حرارتي المرتفعة وكنت اتناول براستول بكثرة علمود الوجع والحرارة ماكنت اكدر انزل للبيت واتعالج علاج حقيقي بسبب الامتحانات النهائية وبهذا الاسبوع لاحظت قشور الصدفية المعاندة في فروة راسي تتساقط وتتلاشا
واختفت الصدفية كليا من جسمي ولاكثر من سنة ما عرفت شنو كان السبب الحقيقي درجة الحرارة المرتفعة ( لاني ملاحظ انه يزداد بالشتاء بالبرد لو بسبب السبح المستمر كل ساعة او نص ساعة وبدون اي صابون او شي ثالث ما اعرفة
طبعا بالمناسبة المحروسة رجعتلي بعد سنة حسب ما اذكر او اقل الله لاينطيها ويكفينا واياكم شرها
وايضاً بالمناسبة اني اريد استناداً لمعاشرتي للصدفية وتجربتي الي ذكرتها وبعض الامور الي قريتها عن هذا المرض اللزكة قررت اجرب فد علاج غريب ويجوز راح تضحكون عليه