رد: ملخص علاج الصدفيه بطريقة الاستاذ قيس العبيدي
تكفون انا فيني الصدفية النقطيـــة
و انا من متابعي هذا المنتدى من بعيد
بس لازم اسجل اشرح فيها معاناتي
بدت صدفيتي قبل 10 سنوات بس على شكل نقط صغيرة فالجبهة
تروووح و ترد في فترااات طويلة بالسنين
لكن اخر السنتين هذي انتشرت في جسمي كامل
على شكل نقوووط فيها قشور و في ويهي و على خشمي و لا اذني و ظهري و بطني
و ريولي
حتى رفيقاتي فالجامعة يسالوني شو هذا اقول حساسية
نفسي مكسورة و كل يوم اصيح و هالشي ماثر على نفسيتي و دراستي
و رافضة الزواج و انا بهالحال
الحمد الله على كل شي
فدخيلكم ساعدوني بالدوا هذا
لاني دورته فالامارات كاملة ما لقيته خير شر
تكفووووون لا تردوني
|