[عازمة على شفائه]

السلام عليكم ورحمة الله وبركاته:
كيفك اختي العزيزة نسرين:
الحمدلله على شفاء لين والوصول لهذه الدرجة...الحمدلله رب العالمين....ان شاء الله عقبال متفرحينا بشفائها التام التام.......
والله انا يعتذر كذلك على غيابي الطويل.....و لانو الحمدلله ظهرت بشائر الشفاء التام من الصدفية والحمدلله رب العالمين....وتفاءلنا بالشفاء التام لاطفالنا وكبارنا والحمدلله رب العالمين على هذه النعمة....اما انا فلم اتابع موضوع الاخ قيس بتمعن بصراحة ....اولا لعدم توفر قطران الفحم ..ثانيا لانو لو توفر لا اعتقد اني رح استعملو لانو ابني بعدو صغير وبصراحة وضعو الحمدلله رب العالمين مستقر ولا اعتقد انو يحتاج لقطران الفحم...بس يكبر ان شاء الله ياخد القرار لحالو....واتمنى من الله ان يكون وصل للشفاء حتى قبل ان يكبر ويوعى..واملي بالله كبير..
وبالصيف بتعرفي العجقات...مبارح سافر اخر القادمين وخلص بيتنا للاسف من الصغار الي كانوا مطلعين عيني بس حلوين كتير والله...
اخي سعيد:والله انت نعم الاخ دائما اقرا ردودك ودعاءك المستمر لاطفالنا...شكرا اخي الكريم لدعائك الجميل بشفاء اطفالنا.....وان شاء الله عقبال الانتهاء من هذا المرض اصلا واعتباره من الامراض القديمة...التي اصبح علاجها سهلا...نسبة لابني الحمدلله رب العالمين انا مستمرة على زيت الزيتون المقروء عليه ولحمدلله رب العالمين هو في تحسن مستمر....ولا انكر ان التحسن الاول كان من زيت حبة البركة والخل لانو تلك المناطق لم تعد اليها الصدفية حتى الان الحمدلله رب العالمين..
ولكن تبقت الركب والاكواع....قليلة جدا جدا في الركب وتكاد تنتهي ولكن تعود حبات جديدة ضعيفة لذلك مستمرة في الدهان...الاكواع عنيدة قليلا كما كانت الركب سابقا...ولكنها في تحسن بطيييييييييييييييييييييييييء جدا.....وان شاء الله وراها حتى التحسن التام...وفي اضفر عند ابني جديد فيو صدفية ولكنها متقدمة لانو الاضفر منظرو مأساوي صار..بس الحمدلله انو بالقدم....وهادا ان شاء الله بدي استعملو قطران من عند العطار ..بس عادي احط بلاستر فوق القطران حتى لا يوسخ الشرشف؟؟؟؟
عزيزتي الزهراء,
الله اعلم انتي معك اكزيما ربات البيوت متلي كنت في السابق اعاني منها ورح اعطيكي شو عملت بالزبط....
اولا دواء وصفو لي الطبيب هو علبة fucidinمخلوط مع فازلين...واختفت عندي الاكزيما حوالي ست سنوات على ما اعتقد...بس عزيزتي طول فترة الاعلاج ما بصير تلمسي الصابون...لازم تجلي بكفوف من جواتها قطن...وجيبي صابونة غار لايديكي او نابلسية....
هادا كان اول علاج بعد سنين من الاصابة وهو الي استفدت منو...
بعد الزواج رجعتلي ....اكتر شي بسبب سائل الجلي والكلور....استعملت نسب متساوية من الجليسرن وماء الورد وعصير الليمون..عادي حطي منو طول اليوم قد ما بدك..بحرق شوي اولها بس ممتاز.....بس نفس الشرط الاول لازم كفوف للجلي...
شوفي ياستي انا لهلا بتروح وبتيجي...وزي ما حكيتي بتكون الايدين متل المحروقين
بس لاني تزوجت صراحة وما عادو فرقوا معي منظر ايدي ...مو زي الوحدة وهي بنت بتهتم بايدها كتير...عشان بس تنخطب يكونوا حلوين...لهالسبب هلا كتير الاكزيما خفيفة عندي ولو وصلت لمرحلة متل الحرق بتشفى بسرعة شديدة يعني النفسية لاها دور كبير...زمان ايدي كانوا مشكلة فعلا...هلا عادي...بتيجي وبتروح وانا مو منتبهة...
شوفي ياستي هلا في كريم اسموqvكريم استرالي الصنع....لا يحوي كورتيزون وبينفع للاطفال الرضع...يعني امن وعمبستعملوا ككريم مرطب ولكنه يقضي بالمرة على الاكزيما ازا طلعت...كل مرة عمبتفاجئ فيه..فعلا رائع...ومكتوب عليه يخفف الاكزيما والصدفية ولكنه ليس دواء فقط مرطب....وانا كتير مرتاحة عليه...
واخيرا اتمنى لكي الشفاء اختي العزيزة...اهم شيء انسي الموضوع ولا تفكري فيك كتير بترتاحي..
اللهم اشف جميع مرضى المسلمين اللهم ااامين...........