[راغبة في رضا الله]

المشاركة الأصلية كتبت بواسطة وردة الشفاءء

شكرا كتير لالكوا وعلى وقوفكوا جمبى بس انا اتاخرت بالرد لانى كنت بقرا كتير عن دينكوا ورحت لشيوخ بطريقة غير مباشرة وسالتهم اشياء كتيرة وهما جاوبونى بشكل رائع انا هلاء بحاول اصلح اشياء حساها غلط زى السهر باماكن عامة لاوقات طويلة والاختلاط وطريقةة السلام بين الرجل والمرءاة جوزى لاحظ تغيرى بس انا بقله مشاكل بالشغل اوقفوا جمبى لانى لهلا مش مستقرة على رئى شكرا كتير لالكوا

تأكدي اختي الحبيبة انه نحنا واقفين معك ورح نضل جنبك ومستعدين نساعدك لأبعد مدى وهادا مش مجرد كلام جربينا وبتشوفي انت بس أشري وكلنا جاهزين لخدمتك حبا فيكي وخوفا على مصلحتك ما النا اي هدف تاني لأنه هيك ديننا بيأمرنا انه نحب الناس ونساعدهن ونحاول نفرج همومهن
ولولا انه اختنا الفراشة المتألقة هلأ هي بأفريقيا لكانت ماتركتك وقدمتلك كل مساعدة ممكنة واجابة على اي استفسار وان شاء الله بترجع قريبا
ولبين ماترجع جاهزين نجاوب على اسئلتك ونخدمك بعيوننا
ربنا يساعدك وينور قلبك وطريقك ,ماتاكلي هم شي ولا تخافي ابدا لأنه اللي ربنا معه مابيخاف من شي ولا على شي
سلام