[قطرةندى]

شد الهمة وشد الحيل وارفع راسك بالعالي
يا سوري يا سراج الليل دمك لو يرخص غالي
ازئر باعلى صوت وقول عن هالثوره سلمية
طول بعرض وعرض بطول ما بدنا الحرامية
والحق ركب اهل درعا فرسان الخيل الشجعان
لا تتأخر وبسرعة وقف في وسط الميدان
وين الشجعان اهل الشام وين ابطالك يارنكوس
سوريا مليانه أ زلام مثل أهل درعا وطرطوس
سوريا الله حاميها زلم الرقه ودير الزور
زلم الأرض بتحميهابالعتمة وبعز النور
والزلم بسوريا كتارشمر والبقاره وحرب
وأن شبت بالدار النارعنوز قبالك تضرب ضرب
وعقيدات ان جد الجدوجبور وطي وفدعان ماإلهم عدولاحدبوقت الحرب يجنو جنان
لكن فيهم طولة بال لا تأمنهم يا ظالم
لا تغرك ميلة العقال النايم منهم والم
يا حيف والله يا حيف عها الأمة العربية
ما بيشوفُ شلون وكيف دكِتنا المدفعية
شفتو جيش بيقتل شعب اعزل والحاكم شايف
يضحك ومفكرها لعب من الله ما هو خايف
شوفو شو صار بحماه وشفوشو صار بدرعا
والله من عالي سماه شاف الجرحى والصرعى
شوفو الشهداء الي بدومه وشوفو شو صار بنياس
شوفو الدم بباب تومه على مرأى من كل الناس
والله ما يروحو هدر في يوم مقدرللتآر
هيك يجاوبنا القدر نمحي الذل ونمحي العار
والحراير إلهم تار برقاب اهل الحميه
صغار بتأخذ تار كباروالدم ما بيصيرميه
هدم بهدم ودم بدم وعين بعين وسن بسن
شعب الشام بيتقدم شبوبية وكبار السن
والغايب والله عنا من الفرسان الحلبيه لو ينخى واحد منا يلقانا حده ُميه
يلقى رجال بملقى رجال شبوبيه وختياريه
ما بنخاف من الآجال كرمالك يا حرية

للشاعر حمود الشمري