[ورد جوري]

السلام عليكم ورحمة الله وبركاته:
اول شي بحب اشكرك عالجواب يا أحلى وردة بالمنتدى جمالها وعطرها الفواح وهدوءها وركازتها ظاهرة بين سطورها

وعليكم السلام ورحمة الله وبركاته
اخجلتني بمديحك اختي الحبيبه
اسأل الله ان اكون عند حسن ظنكم.

تاني شي مشكورة على مبادرتك الطيبة تجاه اخواتك فالمسلم اخو المسلم يفرح لفرحه ويحزن لحزنه والاحلى من النجاح مشاركة المحبين بالنجاح

كما تفضلتِ اختي المسلم اخو المسلم يفرح لفرحه
وهذا اقل واجب استطيع ان اقدمه لاخواتنا الطيبات بفرحتهم.

تالت شي نظام الاعفاء يمكن حلو لأنه في كتير طلاب بيتلبكوا بالفحص او بيصير عندهن ظروف بتمنعهن من الاجابة بشكل كويس وقت الامتحان بقى الفحص مابيعبر عن مستوى الطالب الحقيقي ,بس كمان هالنظام اله سلبيات يعني هو ناجح بمجتمع مثالي مافيه لا واسطات ولا محسوبيات ,يعني لازم المدرسين يكونوا عندهن مخافة من الله لحتى ما يميزوا طالب عن طالب نتيجة قربى او صداقة او اسباب اخرى

مضبوط ,كمان سلبيه تانيه
انو الطالب رح يتعود على عدم وجود امتحان نهائي يقرأ فيه كل الكتاب كله
لهيك لما يقدم البكالوريا رح يواجه صعوبه وتعب,انو هو مو متعود يمتحن بكل الكتاب.
الله ييسر الخير لكل طلاب المسلمين.

كمان بالمناسبة انا استغربت انه زهرة الشفاء بعدها تلميذة لانه لما شفت مناقشاتها بقسم الاخبار اتوقعت انها تكون فوق العشرين يمكن من شان هيك في عندها ثورة واندفاع هن هيك الشباب عندهن طاقة كبيرة واندفاع كبير ,ربنا يسعدها ويوفقها هي وكل شباب المسلمين ويجعل طاقتهن واندفاعهن في خدمة الاسلام والمسلمين

اممم لا هيي لسه ما وصلت العشرين,,بس سبحان الله الها طموحات وطاقه كبيره كتير
وبتحب السياسه شكلها الله ينفع الاسلام بطاقتها.

رابع شي عندي سؤال تاني لورد الحلوة وهو اني قريت لك مرة انك حابة تدرسي طب اسنان ,فشو صار معك بعدين عم تدرسي هلأ طب اسنان ولا شو ؟؟

امممممم.. هنا تبدأ المأساة
لم اصل لما اردت " انا اريد وانت تريد والله يفعل مايريد"
اجيبك على سؤالك على الخاص كي لا تتحول الصفحه للدردشه ونخالف القوانين
اسعدكِ ربي