13-05-2011, 01:18 AM
|
|
مشرفة ملتقى طب الاسنان
|
|
تاريخ التسجيل: Feb 2011
مكان الإقامة: سوريا الجريحة
الجنس : 
المشاركات: 4,393
الدولة : 
|
|
رد: لنبارك لمشرفتنا زهرة الشفاء الاعفاء
السلام عليكم ورحمة الله وبركاته:
اول شي بحب اشكرك عالجواب يا أحلى وردة بالمنتدى جمالها وعطرها الفواح وهدوءها وركازتها ظاهرة بين سطورها
تاني شي مشكورة على مبادرتك الطيبة تجاه اخواتك فالمسلم اخو المسلم يفرح لفرحه ويحزن لحزنه والاحلى من النجاح مشاركة المحبين بالنجاح
تالت شي نظام الاعفاء يمكن حلو لأنه في كتير طلاب بيتلبكوا بالفحص او بيصير عندهن ظروف بتمنعهن من الاجابة بشكل كويس وقت الامتحان بقى الفحص مابيعبر عن مستوى الطالب الحقيقي ,بس كمان هالنظام اله سلبيات يعني هو ناجح بمجتمع مثالي مافيه لا واسطات ولا محسوبيات ,يعني لازم المدرسين يكونوا عندهن مخافة من الله لحتى ما يميزوا طالب عن طالب نتيجة قربى او صداقة او اسباب اخرى
كمان بالمناسبة انا استغربت انه زهرة الشفاء بعدها تلميذة لانه لما شفت مناقشاتها بقسم الاخبار اتوقعت انها تكون فوق العشرين يمكن من شان هيك في عندها ثورة واندفاع هن هيك الشباب عندهن طاقة كبيرة واندفاع كبير ,ربنا يسعدها ويوفقها هي وكل شباب المسلمين ويجعل طاقتهن واندفاعهن في خدمة الاسلام والمسلمين
رابع شي عندي سؤال تاني لورد الحلوة وهو اني قريت لك مرة انك حابة تدرسي طب اسنان ,فشو صار معك بعدين عم تدرسي هلأ طب اسنان ولا شو ؟؟
اللهم وفق طلاب وطالبات المسلمين في دراستهم واجعل علمهم نافعا للاسلام والمسلمين وصلى الله وسلم على طه الأمين والحمد لله رب العالمين
__________________
اللهم فرج همي .. وارزقني حسن الخاتمة.. إن انقضى الأجل فسامحونا ولاتنسونا من صالح دعائكم .. & أم ماسة &
|