اقتباس:
المشاركة الأصلية كتبت بواسطة مصدكوف
طبت والحمد لله من يوم غيرت المعرف
كلش كاتبه هنا بس ماله ترتيب معين لأنه مدري وش السبب ويمكن عفو من رب العالمين بدون سبب
للآلام يمكن عندك فقرة ضاغطة على فقرة ومسويه حمل على الأعصاب وفيه جهاز يدوي عند الفالح اسمه جهاز شد الجسم يفرق بين الفقرات والمفاصل بس لازم تسوي احماء قبل
اصلب نفسك مواجه على الجدارواليدين للأعلى ( خم الجدار ) لتنظر هل تستطيع الوقوف بإتزان ام لا
ثم قف امام الجدار وارفع رجليك بالتناوب والركبة مفرودة بزاوية 90
للنوم يحصل احتكاك دائم للصدفية وعدم تنفيس للجهة التي تنام عليها وطبيعي أن تتأخر في الشفاء او تكون اكبر من مثيلاتها في الجهة الأخرى .. طبعا ليس من علم ولكن اعتقاد من واقع خبرة
اعتقد ان الدور الأكبر في الشفاء في فيتامين د في مشروم فطر الرايشي وفي استبدال وجبة الإفطار بالزبادي وشرب الشاي الأخضر وذلك اثناء العمل والتركيز على الخس والجرجير والبروكلي مع الغداء
وسبق واستعملت المرة شما وشربا ( قليل ) وتنقيعا مع ورق الحناء الرطب والملح الخشن
مع ملاحظة ( لا حياء في العلم ) أنه كان ألم الجوع غير طبيعي ( شديد ) واحيانا كانت تأتيني آلام أسفل الخصية بعد قضاء الحاجة مع خروج دم بعد الإخراج وتراجع في الهمة والحمد لله زالت كلها وذهبت معها الصدفية واعتقد انها قرحة واظن أنها السبب
|
ماشاء الله تبارك الرحمن الله يبشرك بالخير اخوي مصدكوف وبصراحة كلامك عن المشاكل الباطنية و علاقتها مع الصدفية كلام أثار فضولي وبدأت افكر فيه بالحيل ما أخفيك انا الحين لي تقريبا 9 شهور وانا جانبي الايمن اكاد لا احس به اطلاقا وحتى في التنفس احس بالتنفس من الجانب الايسر وبس اما الجانب الايمن من الصدر فما احس به اطلاااااقا حتى كأنه مهوب لي واذا اشتد الامر ضاق حتى التنفس !!! وراجعت كذا دكتور اللي يقول روماتيزم في عظام الصدر واللي يقول التهاب في الرئة واللي يقول أعراض ضغط مرتفع خصوصا ان الضغط وقت شدة الازمة يرتفع 
وكل واحد من هالدكاترة يصرف لي علاج اخر شي راجعت استشاري سعودي متخصص في الجهاز الهضمي والباطنية واول ما شاف تحاليلي وسمع شكواي قام يتبسم .... وقال لي بالحرف الواحد انا ما اعرفك ابدا بس اجزم يقينا انك انسان حساس جدا جدا جدا ... قلت وش دخل هالكلام ؟ قال صحيح كلامي والا لا ؟ قلت صحيح و 100% بعد ، وزد على ذلك ان القلب اخضر 
، قال انا الحين ابعلمك وش فيك اللي فيك التهاب قولون مزمن في الجانب الايمن ... قلت : قولووون !!!
وشلووووون بس انا ما عندي مشاكل الحمد لله في قضاء الحاجة ولا عندي غازات زايدة ولا شي !! قال : مهوب شرط انه يجيك كل هذا ابدااااااا والاعراض تختلف من شخص لاخر ... قلت طيب وش دخل هذا في الصدر والجانب الايمن منه ؟ قال الحين لما انتفخ عندك الجانب الايمن من القولون ضغط على الحجاب الحاجز والحجاب الحاجز ضغط على الرئة اليمنى وضايقها وبدأت عندك مشاكل الجهة اليمنى من الصدر خصوصا ان القولون العصبي مرتبط باعصاب تشده بالظهر و الوقت اللي يكون فيه القولون منتفخ تنشد الاعصاب ومنها اعصاب الصدر فتفقد الاحساس بصدرك !!!
على العموم وعلى اساس ما تطول السالفة عطاني الدكتور حبه للقولون اكلها قبل الغدا بربع ساعة وحبه امضغها بعد الاكل مباشرة وطعمها طعم الينسون والله العالم انها لتهدأة القولون وطرد الغازات
ولي الان استعملها تقريبا من اسبوع والوضع على ماهو عليه ولكن الطبيب يقول ان الوقت يبي له وقت وراح تتحسن ان شاء الله مع مرور الايام ... ومن الكلمات اللي قالها الله يذكره بالخير : القولون مرض مزمن اذا طاولته طاولك وهو اوسع بال مننا !!
والله يعييين اخوي مصدوكوووف والف الف الف مبررررررروك يالغلا على العافية وعسى الله يديمها