نكتتين فقط
مرة واحد عرف معلومة وهى انك ازاى تعرف ان الى بيكلمك ده بيسمع كويس ولا لأ
والطريقة انك تبعد عنه حوالى 5 متر وتقوله اى حاجة لو مردش يبقى ماسمعكش .
تقرب متر كمان وتعيد عليه الكلام لو مردش يبقى برده مش سامعاك .
وتقرب متر كمان وهكذا لحد ماتعرف درجة سامعه ايه
راح الراجل ده حب يعرف مراته بتسمع ولا لأ
راح دخل من باب الشقة وقرب منها وبقى على بعد خمس متر
وقالها : انتى طابخة لنا اية انهارده ياروحى ؟
ماردتش
راح قرب متر كمان وقالها : انت طابخة لنا اية انهارده ياروحى ؟
ماردتش
راح قرب منها متر كمان وقالها : انت طابخة لنا ايه انهارده ياروحى ؟
ماردتش
قال ياخبر دى مش بتسمع ولا ايييييييييييييييه ؟
قرب منها كمان متر وقالها : انت طابخة لنا ايه انهارده ياروحى ؟
ماردتش
قرب كمان متر وقالها :انت طابخة لنا اية انهارده ياروحى ؟
قالتله ايه ياحبيبى خمس مرات بقولك طابخة صينية بطاطس بالفراخ
هههههههههههههههههههه طلع هو الى مش بيسمع
مرة واحد كان ماشى بالعربية بتاعته ومعدى على كمين مرور وكان الوقت ده بيتلككوا على اى حد ويعطيه مخالفة
دخل على اول كمين فالظابط بيسأله
الظابط:هات رخصك
السواق:اتفضل ياباشا
الظابط : معاك حاجة فى العربية دى
السواق :ايوة ياباشا معايا فراخ
الظابط : بتوكلها ايه الفراخ دى
السواق: بأكلها علفة ياباشا
الظابط :حد يأكل الفراخ علفة
الفراخ دى تاكلها لحمة
خد مخالفة
السواق :
دخل على تانى كمين
الظابط: هات رخصك
السواق : اتفضل ياباشا
الظابط: معاك حاجة فى العربية دى
الراجل: اه ياباشا معايا فراخ
الظابط: بتاكلها ايه الفراخ دى
الراجل : باكلها لحمة ياباشا
الظابط:حد يأكل الفراخ لحمة
الفراخ بتاكل علفة
خد مخالفة
السواق :
دخل على تالت كمين
الظابط : هات رخصك
السواق :اتفضل ياباشا
الظابط : معاك حاجة فى العربية دى
السواق: ايوة ياباشا معايا فراخ
الظابط : بتأكلها ايه الفراخ دى
السواق : انا بدى كل فرخة خمسين قرش وهى تأكل بمزاجها ياباشا
__________________
 
|