ودي اموت اليوم واعيش باكر
واشوف منهو بعد موتي فقدني
ومنهو حملني لين ذيك المقابر
واشكر أنا كل من كرمني ودفني
وبشوف يرثيني انا كم شاعر ؟
ومنهو تركني وماكتب شي عني
شخص ٍ تعنى لي مع انه مسافر
وشخصٍ قريبٍ وأنا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومنهو من أهلي في العزا كان حاضر
ومنهو دعا لي في صلاته ورحمني
ومنهو بنى باسمي سبيل ومنابر
ومنهو يفز قلبه إلا من لمحني
ومنهو عشاني طول الأيام ساهر
ومنهو ثلاث أيام راح وتركني
ومنهو يرتب غرفتي والدفاتر
وإن شاف صورة لي مات وحضني
يالله عسى ماتخفى كل المشاعر
ويالله عسى ماينصدم يوم ظني
خايف يروح العمر وأكون خاسر
وإن طار طيري مايفيد التمني
وخايف يجيني وقت أكسر خواطر
إن دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوّه يغني
كل مابغيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
والصبر مفتاح الفرج ضاع مني