[عازمة على شفائه]

عزيزتي العنود:
الصدفية عزيزتي متل الاكزيما بتعتمد على النفسية كتير...انا عانيت من الاكزيما ثمان سنوات قبل ان تختفي الحمدلله رب العالمين والسبب والله اعلم انو كنت اكره ايديني بطريقة غريبة ودايما ابكي لماما واقلها انتي السبب....لانو كانت تشوف ايديني يتحسسوا من صابون الجلي تجبلي كفوف للجلي وتقلي البسيهم بلاش يصيبك اكزيما...وانا اقلها ما بدي البسهم ما بعرف اجلي فيهم....المهم لما تحولت الحساسية البسيطة لاكزيما انجنيت...لانو تشوهوا ايدي بالمرة..وكنت الوم امي اقلها الحق عليكي كان لازم قلتيلي انو الاكزيما علقة..مو حساسية بتروح وبتيجي والسلام.....وهيك علقتني الله وكيلك ثمان سنين....اتضايقت كتير كنت اروح على الجامعة واخبي ايدي واحيانا من كتر الجروح كنت احط بلاستر طبي على كل اصابعي....وكنت احاول اقعد جنب صاحبتي حتى ما حدا ينتبه وانا بكتب بالمحاضرات على ايدي....وهيك يا ستي ما خليت دواء ما جربتو...ولا شي طبيعي ما جربتو....حتى الحلبة..بس مرة وانا في محاضرة اسمعت البنات بحكوا...في حدا ماكل حلبة ومن بعدها ما عدت حطيتها ابدا مع انها كانت رائعة بتزكر....ومرة جابتلي امي قطران بس ما قبلت احطوا...رائحتو كانت قوية....كنت دائما افكر كيف بدي اخطب.؟؟كيف بدوا العريس يلبسني خاتم الخطوبة؟؟..المهم ما بدي اطول عليكي......ابتدات بالدعاء الى الله تعالى وقراءة ايات الشفاء على يدي وكانت والله متل ما كانك بتحطي دواء تماما عليهم....والحمدلله اهتديت للطبيب الي كان من اسباب الشفاء بعد مشيئة الله سبحانه وتعالى...وشفيت تماما منها صرلي يمكن سبع سنين او اكتر ناسية بالزبط....المهم بتزكر انو اخر سنة في الجامعة كانوا البنات بسالوني وين بتعملي اظافرك...؟؟؟ماشاء الله ايديكي شو بتستعملي؟؟؟الحمدلله اني شفتهم طبيعيين قبل ما اتخرج.....ولما انخطبت كانوا روعة بصراحة الحمدلله رب العالمين
جديد رجعت الاكزيما(الصغار وشغلهم الكتير والجلي الي ما بيخلص) وهون المهم......لما تزوجت وما عدت حطيتها في بالي ابدا(تزوجنا والسلام) عمبتيجي وبتروح لحالها وبتشفى بسرعة قياسية ما شاء الله يعني بستعمل اشياء خفيفة وبدون التزام بصراحة يعني ...واكتر الجلي عندي بلا كفوف كمان....هداك اليوم بحكي لزوجي كيف النفسية بتاثر كتير على العلاج.....وحكتلوا نفس هاي القصة تماما....قلي مزبوط هالحكي....مع انو كتير بعلق علي ايديني ليه بدون اضافر زي البنات الامامير الي برا؟؟؟بقولوا ازا بتحب تاكل اكل بجراثيم ما في مشكلة بربي اضافري.....بقلي لأ خلص خليهم هيك......هههه...اقنعته...وبالنسبة للاكزيما عمري ما حسستو انها ازمة او مشكلة بالنسبة الي لانو رح يصير يعتبرها مشكلة بالنسبة الو كمان.....عشان هيك ابدا ما تفرجي زوجك انها الصدفية مشكلة ابدا.......وحتى لو انتي مهتمة فيها...اهتمي بينك وبين حالك مو قدامو.....قدامو كوني طبيعية جدا وانسيها رح هو ينساها كمان......في رجال ازا بتحكيلوا همك .. بتدايق عليكي.وبصير همك هموا...وفي رجال بس تحكيلوا همك بحطها نقطة عليكي وبعتبرها نقطة من نقاط ضعفك وبستغلها حتى تضلي تحت رحمتو بالزات لما تكوني احسن منو....الرجال انواع متل ما النساء انواع...بلاش يقوموا ضدي رجال المنتدى بس هادا للاسف الواقع............هاي نصيحة اخت لاختها....خدي الي بتحبيه منها وان شاء الله قدامك الشفاء يا رب العالمين.........