[سعيد مسلم]

السلام عليكم
شوفي آ ختي ساره
خاص ختك تهدن نفسيتها لان النفسيه الخايبه و المقلقه ما مزياناش ليها
و يكدب عليك الكداب اللي يقوليك خودي هاد الوصفه ليها
و غادي تشفى مئه فالمئه مرض الصدفيه مرض عنيد خصها تكون قويه
و الثابر
ما يمكني نساعدها بيه هو دير هادشي اللي نصحها بيه لانه فيه
الخير لكثير لواضبت عليه
زريعة الكتان معروفه قولي ليها تبقى تاكل معلقه منها
طحنها بسنانها و تشربها بالماء مع الوجبات
الثلاث فطور و غدا و عشا
و تشري الاوميغا3 تسول عليها فالصيدليات و لعندكم شي حد يبقى يرسلها
ليكم من بره كل ما تحتاجها افضل
الافضل نحدد ليك الكميه المتناوله من حبوب الاوميغا3
حتى تشريها اختك
لكن على العموم اذا شراتها و تراسلنا فذاك و الا تحاول تناول حبتين
فالوجبات الثلاث.
هي مهمه فمكافحة الصدفيه بزاف و حبذا لو تشري زيت كبد الحوت
و هاد الاخير خصني ضروري حتى نعرف شحال الكبسوله فيها من فيتامين أ عاد نحدد
ليها شنو و شحال تقدر تاكل منو.
و عليها بالحلبه لتحملتها حتى هي اما المغلي تاعها مع الوجبات الرئيسيه او مسحوق ملعقه.
و اتاي تبقى تشرب مرددوش معاه و البابونج مزيان
و ما تحطهم فأتاي حتى يطيب
و تخليهم فيه 10 دقايق باش يطلقو فيه المواد الطبيه تاعهم
و راك عارفه عادتنا تنشربو اتاي زوج المرات فنهار مرا فالفطور و مره
فوقت المغرب.
و خارجيا حبدا لو تبعد من الما اكثر ما تستطع تخلي الحمام مره فالاسبوع
لان الما يساعد اي مرض جلدي على البقاء
و تبقا دهن فروة الرأس بمغلي الزعتر و البابونج و دهن وراهم
زيت الاركان لتوفر ليها.
و باش تعرف ان زيت الاركان اصلي لتوفر ليها الاصلي
سواء تاع شرب او تاع دهين
تشدو و ديرو فالثلاجه الى جمد راه اصلي الى مجمدش راه مغشوش
الشامبو يكون طبي
و العمده كلها على العلاج الداخلي بالخصوص.
و تحاول تبعد من السكريات و الاشياء لحلوه الصناعيه و الحلويات و غيرها و الا تقلل منهم بزاف و تجنب
الحمضيات "مندلين , ماطيشا , ليمون , حامض"
تبعد من لحليب و مشتقاته و الخبز الابيض " تاع الحانوت"
و الدهون و المقليات و المخللات
و تهتم بزاف خصوصا بالتفاح كفاكهه و الاكل الصحي
و تقلل من الاشياء العسيرة الهضم بحال الفول اللوبيا ....الخ
و نقطه اخيره لو قدرت تبعها ممتاز لانها تتنقي الدم و هي الخميره تاع الخبز ملعقه صغيره الى متوسطه
مع كاس تاع الما قبل كل وجبه بساعه
"الخميره تقدر دير ليها بعض التحسس و التهيج فالجلد لانها هديك الساعه تتكون تتنقي الدم و تتنشط الكبد و تتعالج تقرحات الجهاز الهضمي و هاد شي كلو تيمشي و تيرجع الجسم عادي بعد مرور شهر فما فوق على حسب استجابة كل جسم"
هاد شي لنقدر ننصحها بيه
و الله يجيب ليها الشفا آ ختي و يعافيها