[آيـات]

أختي طبيعي اللي تشوفينه بولدك ,,, حاولي تتقربين منه ,,, جيبي له هدية مايتوقعها ,,, بيني له إن طلعاتك عشانه ماهو وراك وين مارحتي راح ,,, مثل ماقالت الأخت حسسيه بقيمته واحترميه ,,, وبعض الأطفال مهما احترمتيه إذا حس بمبالغة ضايقه هالشي بمعنى خليك طبيعية معه ,,, وأهم شي خليك صادقة معه وكذبتك عليه تكتب كذبة تؤثمين عليها ,,, ولاتفرضين أرائك عليه ولاتخلينه طبعا يضر نفسه ,,, استودعيه الله دائما ,,, ومايمنع رقيته بين فترة وفترة وخصوصا إن ماكان هذا طبعه ,,, لاتهمشين طلبات ولدك مادام ماتضره ومافيها اثم وحاولي تلبينها ,,, وشي بكل الأمهات انتبهيله مراقبتها لتحركات طفلها وإعادتها له بنقد لاداعي له وكأنها كانت كاميرا تعرض تحركاته وبصراحة هالشي خنقة له ,,, حاولي تفهمين طفلك وحاولي تعطينه ثقته بنفسه واهتمي فيه بحيث مايشوف أقرانه أفضل منه ولاتميزين بينه وبين أقرانه سواء أمامه أو خلفه خليه مثل ماهو ,,, بحيث لاتطلبين يكون مثل فلان وفلان ,,,و الأطفال عموما متعبين وياخذون من وقتك وجهدك ونفسيتك ,,, وأسألي التوفيق والعون بتربيتهم تربية صالحة .


أصلح الله لك زوجك وذريتك ووفقك وأعانك لما يحب ويرضى.