[عازمة على شفائه]

شوف اخي سعيد خلص انا بدي اذكر طريقتي السحرية وهي كتير قريبة لطريقتك....
زاكر يا سعيد لما مرة قلتلك عن طريقة الدويك في علاج الثعلبة؟؟نقع راس ثوم بكاسة خل تفاح طبيعي وتغطيته بقصدير حتى لا يتاكسد الثوم بالضو؟؟ومدة النقع 10 ايام؟؟
انا عملتها من شيء اسبوعين لراس ابني....انا كنت ذكرت زمان اني اول مرة عالجت صدفية الراس كانت بالخل والثوم بس بدون نقع...والحمدلله اختفت عام كامل او لم تعد بنفس الاماكن الله اعلم..لاني لم اتذكر اماكنها جيدا...فهالمرة قلت بدي اجرب مع النقع اكيد المفعول اقوى....وفعلا صار لون الخل اخضر....جبت جرابة بيبي صوف(صوف ناعم)وعملت العملية وهو نايم على الراس(هي خفيفة بعد تطبيق الخل اول مرة الحمدلله رب العالمين)..وقلت ليش ما اجرب الوجه؟؟وفعلا بلشت افرك بقوة احيانا حتى ينقز الولد اوقف العمل فورا لحتى يهدى وينام...المهم عملت الحواجب وبين الحواجب....وتحت السوالف...بين الحواجب كانت عبارة عن حبوب وفركتها حتى ادمت...واوقفت الفرك وصارت حمراء جدا متل الجرح او الحرق...
تحت السوالف عبارة عن بقع وليس حبوب ...بقع بطول 3 سم تقريبا وهي لا تدمي لانها بقع فصارت حمراء جدا جدا وتركتها....
وكذلك بالحواجب...فركتها حامي كتير....ولكنها لم تدمي لانها خفيفة الحمدلله وليست حبوب..فقط قشور خفيفة....وعلى نقطة باليد والقدم(نزل منهم دم لانهم حبوب).....
ناتي للنتيجة:الفرك كان ليلا.....الفجر حطيت زيت سمسم.....الصباح ...الوجه ما في شيء....وهون كانت النتيجة المذهلة...يعني ولا مرة وصلت لنتيجة سريعة زي هيك الا بحليب الام....بين الحواجب بقيت حبوب فيها دماء يعني متل الجروح ومبارح يعني بعد يومين كانت بين الحواجب متل القشرة يعني ازلتها وكانت كقشرة كاملة نزعتها وتحتها كان احمرار بسيط متل الجرح ولكن الجلد صافي....ولكن يا اخي سعيد انا عملت غلطة فظيعة...عشان هيك ما رجعت كتبت الوصفة السحرية الي حكيت عنها...
وهو اني تاني يوم بعد النتيجة المذهلة جبت نفس قطعة الصوف وفركت نفس المناطق تماما مع انو ما كان فيهم شيء بيجوز اثر خفيييييييييييييييف والله مو مبين...الا بين الحواجب لانها كانت متل الجروح فلم افركها...وهون كانت الغلطة انوا صبح تاني يوم راجعة مع الفرك على نفس المناطق تماما.....فانقهرت كتير والله ورجعت فركتها بالصوف بس على الخفيف مو زي اول مرة لاني خفت....والحمدلله رجعت تحسنت فورا تاني يوم بس مو زي اول مرة كانت نتيجة سحرية فعلا....ولاني المرة التانية ما فركت منيح زي اول مرة....المهم مبارح تالت يوم فركت عالخفيف بيدي فقط..والحمدلله رب العالمين التحسن مستمر.......
يعني القاعدة مزبزطة:الفرك مرة واحدة فقط...اول مرة بعدين تركها كم يوم ثم اعادة التدليك ولكن عالخفيف........البقعة في القدم واليد متل الجرح فما رح افركها فقط بحط بايدي كل يوم بالليل فوقها خل وتوم وهاي بتختفي متل اي جرح لاني جربتها من السنة الماضية بوصفة الخل مع حبة البركة........ان شاء الله.......
المهم هاي هي تجربتي ...والشعر صحيح ما رجعت فركتو فقط بحط بايدي شوية خل وتوم بدون فرك لانها عبرة عن جروح حاليا...وهي ان شاء الله بتختف كمان لاني جربتها قبل بمرة.....
المشكلة انو الكمية الي عندي قليلة جدا جدا يمكن ضايل ملعقة فقط..لانو الصوف بيشرب الخل بسرعة ...عشان هيك كنت مبلشة اجربها على الركب والاكواع بس ما في مجال بدي ارد اعمل واستنى عشر ايام اول.......واخلي هاي الملعقة الضايلة للوجه.....
اتمنى الشفاء لكم جميعا يا رب العالمين..........اللهم نسألك رحمتك ....اللهم عفوك ورضاك.........يا رب العالمين......ز