[عازمة على شفائه]

اخي الكريم ابو مازن:
انا مع الخالة ريم في كل ما قالته...اولا اخي بتخاف تتعارض العلاجات واحدها يلغي الاخر وصحيح الاغلب انو الطفل رح يمل بعد اسبوع...وكمان اخي سبب اخر لازم تعرف شو الي ساهم بعلاج ابنك بعد ما يشفى ان شاء الله حتى لاسمح الله ازا رجعت تحاربها فورا بسبب العلاج اول مرة....اخي الاطفال بملوا بسرعة...ارجوك ان لا تغصبوه على العلاج حتى لا يكره المرض...انا كنت ادهن لابني وهو نايم وما يحس بشي....والان بدهنلوا احيانا وهو صاحي بس لازم يكون ماسك موبايلي يلعب فيه وانا بدهن على راحتي عشان ما يزهق وما برضى الله وكيلك غير هيك...او وهو عبيحضر رسوم متحركة كمان منيح...
وبالنسبة اخي للتغسيل بالصابون الطبي تلات مرات والله كتير بهالبرد...يعني اذا هيك كان وصفة الطبيب فاعمل بها اخي بس اذا كان اجتهاد شخصي فلو انا فقط مرة يوميا...اخي لا تنسى ان ابنك اصابته حديثة وما كان في شي قبل وكان هالولد يلعب ويضحك وهلأ بدو يقضي وقتو يغسل بالصابون ويدهن كل مرة شكل والله يا اخي هو رح يتساءل شو صار بالدنيا؟؟؟ والله يا اخي صار فيك متلي لما عرفت قبل سنتين بلشت ليل نهار ادهن فيه فازلين اول شيء بعدين زيت زيتون بعدين صار يعيط يقلي انتي ليه بتضلي تدهنيلي؟؟شو في؟؟والسنة الماضية نفس الشي بعدين صرت ادهن لاختو معو عشان يعرف انو مو بس هو...وافهمو انو الزيت بقوي العضم..وبكبر بسرعة..والله يا اخي هاي نصيحتي...
اخي في فكرة تانية كمان ...انا كنت اجرب كزا خلطة مع بعض كل خلطة على منطقة غير واسجلهم على الدفتر عشان ما انسى واسجل تاريخ البدأ في الخلطة واقارن بعد اسبوعين واشوف...واكمل مع الافضل...
الله يشفيلك ابنك اخي وابني وطارق ولين يا رب العالمين وكل الاطفال برحمتك يا ارحم الراحمين يا الله....