[عازمة على شفائه]

عزيزتي نسرين:
انا ما بقدر افيدك بصراحة لاني برضو عندي شوية قلق من الاعشاب....بس بقول لحالي:معقول هالاعشاب الي الله سبحانه وتعالى خلقها والناس جربتها وتحسنت عليها بدها تكون اسوأ من المواد الكيماوية والادوية الي بياخدوها الصغار طالعين نازلين؟؟؟
شوفي نسرين:انا بنتي من لما انولدت بحس لما تقح فيه صوت باخر القحة مو مزبوط..زي الزميرة مع انها ما بتقح اصلا...بس ازا صدف وقحت لاي سبب بطلع الصوت.....استغربت بصراحة واخدتها على الدكتورة قالتلي ما فيها شي شوية بلغم....وكتبتلها دواء....بس بتعرفي انا ما ببين معي النتيجة لحتى ترجع تقح لاي سبب...المهم هاي السنة نفس الشي...شو عملت؟؟؟بصلة برشتها وحطيت فوقها عسل لغطاها...ليلة كاملة بعدين صفيتها وقعدت اشربها ثلاث معالق صغار باليوم ...مرة عالريق ومرة بعد الغدا ومرة قبل النوم...بصراحة كنت اعطيها وايدي على قلبي بصراحة يعني...بس اقنع حالي واقول ...بضل اهون من دواء القحة الي اضرارو بلاوي....وفعلا بعد 5 ايام استفرغت البنت بالليل....خفت كتير بصراحة وقلت خلص اخر مرة بعملها....بس لما قحت والله يا نسرين اول مرة بسمعها بتقح بدون زمور...فتاني يوم توكلت على الله وكملت ليطبق اسبوع....والحمدلله رب العالمين انا هلأ ما سمعتها ولا مرة قحت بس مستنيتها عشان اعرف النتيجة على نار....
شايفة يعني فيه للاشياء الطبيعية فوائد لا شك....بس الواحد بخاف من كترتها لقلة البحوث الي معمولة على الناس الي بتتعاطى الاعشاب بشكل يومي او دائم....وبعدين العشابين ما بيعتمدوا راي واحد عشان هيك بشتتونا....يعني مرة قرات انو الاطفال لا يتناولوا ابدا اكثر من ثلاث نقاط زيت حبة البركة او سبع حبات فقط للكبار ...مع العلم انو حبة الكعك لحالها فيها شي عشر حبات ازا مو اكتر حبة البركة ومع هيك الواحد بياكل ثلاثة اربعة حبات القعدة والاطفال كمان والحمدلله ما بصير شي...يعني ما سمعت عن حدا صرلوا شي من الكعك...صحيح؟؟؟يعني مو كل شي بينحكى مزبوط كمان الواحد يحكم عقله...ومرة سمعت انو الاطفال لا يتناولوا الاعشاب اكثر من فنجان شاي يوميا ولمدة اسبوعين فقط ثم يريح اسبوع ثو يتابع اسبوعين وهكذا..شايفة يعني بتختلف الاراء...بس بشكل عام الواحد يسمع من اخصائي دارس الموضوع اكاديميا...يعني الاخصائية زينة دارسة جامعة في الموضوع...ولو ما في مراجع كان هادا التخصص اصلا مو موجود...صحيح؟؟؟
انا بابا مثلا ضد الاعشاب بكل انواعها...وبضل يقلي انتي رح تخربي على ابنك...اتركي بدون ولا شيء ولحالو كل شيء بروح...بس انا بصراحة مو مقتنعة بكلامو وحاسة لازم اعمل شي...ماما معي بكل شي بعملوا...بتقلي طالعة علي
الله يريحلك بالك يا نسرين...ان شاء الله بترد عليكي الاخصائية زينة وبتريحك...والله يختي كل عمرها الناس بتمرض وبتعالج حالها بالاعشاب ...جديدة موضة الادوية هاي..0يمكن من خمسين سنة وطالع)..والله تعالى اعلم....بس نسرين لما نستعمل الاعشاب مو معناتو نبطل الدواء...يعني زي ما حكتلي الاخت زينة الاعشاب بتخفف اثار الدواء بس لازم نفصل بيناتهم ساعة ساعتين....
سلامي.....