اقتباس:
المشاركة الأصلية كتبت بواسطة zena221
السلام عليكم
الاخت نسرين 1811
ما قلتيلي اختي عمر بنتك يس استنتجت انها بدها تكون فوق ال9 سنوات وتحت ال15 سنه حسب حدسي
والاكيد والله اعلم بنت عندها فطريات الكنديدا منتشره داخل جسمها وهي ابتنتشر داخل الجهاز الليمفاوي مش بالدم عشان هيك ما بتظهر في فحوصات الدم من الصعب جدا تشخيصها فقط بفحوصات خاصه يتم تشخيصها
طبعا الانتشار اجى من التغذيه الغير سليمه وقلة الحركه
شو بدي اقلك اللي بتعاني منو انا بعاني منو كمان مع ابنائي بس ضليت وراءهم حتى فهمتهم انهم بعملوا خطا 2 سمعوني وابني لكبير بما انو اسا 16 سنه صعب جدا اقناعو بس الحمد لله بلش يرد علي الو اسبوع الله يهديه يا رب
انا حاسه فيكي صغب جدا ابعاد الاولاد عن الاكل الجاهز والمسليات والشكولاظه
انا صرت اعمل كل هاد بالبيت ما بشتري اشي وبعملهم بطحين القمح والعسل
هامبرغر بعمل في البيت كمان
حليب وشكلاطه بصنعو من الكاكاو والسكر البني
بحاول قدر المستطاع اساعدهم بس همي لازم يساعدوني كمان
صح؟
يعني لازم تقعدي مع بنتك تشرحيلها مش مهم قديش عمرها لو كان 3 سنوات باستطاعتها ان تفهمك اولاد العصر هاد يفهمو منيح وبستوعبو بس احنا نعلى لمستواهم ما ننزل لازم نعلى الهم ونكون بموستواهم لانو مستوى التفكي عنهدهم جدا عال
اجلسي معها واشرحيلها هيك:
هاد فطريات كنديدا بتيجي علينا من الاكل الغير صحي وسميلها الانواع طبعا اللي هي بتحبها
ما توخذي موقف من رد فعلها بالعكس اتفهميها وواصل الكلام معها
كمان شغله خليها تساعدك بالبيت وشغليها شويه لانو الفراغ بجوع
وخليها تساعدك لتحضير الحلويات بالبيت هيك بتحسني علاقتك معها اكثر وبتصير اترد عليكي بكلشي وما بتخبي عنك اشي
بحكيلك عن تجربي
النباتات اللي بتقتل الكنديدا همي :
ميرميه - والقرفه - والفرنفل قاتل ما بسمي عليها _ والخلنجان
باستطاعتك غلي الخلنجان مع القرفه وتسربي انت وبنتك مع بعض
هدول النبتين ممتازات للنساء من ناحية اهرمونات وقتل الكنديدا واثناء الحيض
بس لازم توقفيهم في فترة الحيض لانهم مدرات للحيض بعملوا نزيف يعني وقت الحيض وهني قاتلات من الرقم الاول للكنديدا
الميرميه يجب الحرص منها اعطيها فقط فنجانين في الاسبوع
سلمتكم
|
الدكتورة الفاضلة والاخت الغالية زينة
الف شكر الك يا دكتورتنا الكريمة
طمنتيني كتييييييييييييييير
الله يسعدك ويوفقك يا رب
نصائح جدا قيمة ومهمة جدا وبنفس الوقت عملية وسهلة التطبيق
بالنسبة لبنتي 6 سنين الا 6 ايام بس - بس ماشاء الله لاقوة الا بالله ذكية ونشيطة وسابقة عمرها كتير
- ومشان هيك اي نشاط بشغلها فيه بتزهق منه بسرعة -
وقبل ما اقدر اشغلها بغيره - ما بلحق عليها
واشغالها معي فكرة ممتازة ولازم اطبقها بحذافيرها واخليها تساعدني - كلامك صح 100%
بنتي بتحب الميرمية بقدر اعمللها حجم فنجان شاي مع شوية سكر مرتين بالاسبوع شو رايك؟
والقرفة والخلنجان والقرنفل ممكن اعمللها كل يوم حجم فنجان شاي مع شوية سكر شو رايك؟مرة والا مرتين باليوم؟
وطبعا بتقصدي بالقرنفل هوكبش القرنفل او مسمارالقرنفل صح -القرنفل والقرفة مع الطبيخ دايما بستعملهم وبصير اكثر منهم برضو سهلة ان شاء الله.
طيب بالنسبة للدهون
- شو بقدر ادهنلها مشان فطريات الكنديدا- احسن شيء خارجي لمنطقة اسفل الظهر وهي جلدها حساس - و كم مرة - لاني بصراحة حابة ادهنلها بعد ما يخلص كريم دكتاكورت اللي بتستعمله هلا؟او خلاله - يعني وقت اللي ما في كريم - زيت زيتون - عسل مع زيت - خل مخفف بالماء والا الشاي اللي قلت عنه؟ الدهان راح ادهنلها من شاي القرفة والقرنفل والخلنجان بدون سكر طبعا
بالنسبة للحمام انا هلا بستعمللها صابونة نابلسية مفتاحين لكل شي - بغسللها بالصابون مرة باليوم وبحممها مرة بالاسبوع مشان البرد - بس بقدر ادفيها واحممها كل يوم- اذا افيد الها- وادهنلها الشاي المطلوب بعد الحمام - شو رايك بالنسبة للحمام والدهان
هل لديك اضافات اخرى حابة تفيديني فيها
واكون لك من الشاكرين
يا حبيبتي غلبتك بالاسئلة سامحيني
- بس يا ريت تطيب بنتي على ايديك ووالله لادعيلك طول عمري
واكيد انت عارفة قديش انا ممتنة لكرمك وافضالك
وان شاء الله يجزيك عنا الخير ويوفقك للخير ويبارك فيك ويجعله في ميزان حسناتك وينولك اللي في بالك ياا رب امين