[ايهاب العراقي]

اهلا جودينا مشكورة الله يبارك بيج..الله يشفي الجميع ..الحمد لله على كل حال.
نرجع لموضوعنا ..بالنسبة لجواب سؤالك اللي يقول هل تعتقد بأن كل المصدوفين لو استخدمو السايكلوسبورين راح يحصلون على نفس النتيجه اللي انت وصلت لها؟؟؟؟
اكيد لا مراح يفيد الكل لأن الأجسام تختلف والأستجابة للعلاج تختلف من شخص لأخر واعتقد انو هناك عدة اسباب تسبب مرض الصدفية لم يتم اكتشافها مثل ماقلتي حضرتك لجل هذا لحد الأن مااكتشفوا علاج موحد يعالج كل انواع الصدفية..وبالنسب لأزيرا هي حسب ماقالت انها تحسنت على الانبريل بعدين قامت تاكل حبة سوداء بدون علم دكتورها وهاجت صدفيتها ورجعتلها ..و في الجانب الأخرالأخت ام ناصر استعملت علاج بايلوجي لمدة 4 شهور والكورس كان 6 شهور ومااستفادت منه..اعتقد انا متفقين بهل نقطة مااختلفنا بيها انو هذي العلاجات اللي تثبط المناعة مو الكل يستفاد منها.
وبالنسبة لسالفة الصدفية والذئبة الحمراء بألأمكان علاج الحالتين بنفس العلاج وعلى سبيل المثال السايكلوسبورين والميثوتركسيت يعالج كلا المرضين بس طبعا مو كل الحالات راح تستجيب للعلاج لأن مثل ماقلت طبيعة الأجسام تختلف ويمكن ان هناك اسباب ثانية للمرض ماكتشفوها الى يومنا هذا.
ومرض الذئبة الحمراء اخطر من الصدفية بكثير لأن ممكن في بعض الحالات المناعة تهاجم الأعضاء الداخلية للجسم مثل القلب والكلى طبعا ماعدا عن المفاصل والجلد..نسأل الله العافية..اما الصدفية فالمناعة فقط تهاجم الجلد وفي بعض الحالات تهاجم الجلد والعظام والمفاصل ايضا كما حدث معي..الحمد لله على كل حال...وفي بعض الحالات تصاب الأظافر ايضا عند البعض.
وبالنسبة لسؤال حضرتك اللي يقول ليش مايختفي كلا المرضين اذا تم معالجه جهاز المناعه..ليش نعالج كل مرض بعلاج مختلف طالما ان سببهم واحد(جهاز المناعه)
الجواب هو لأنه ألية او كيفية حدوث المرض تختلف من مرض لأخر فمثلا في مرض البهاق تقوم المناعة بمهاجمة الخلايا الصبغية(الميلانين) الموجودة في البشرة مما يؤدي الى ظهور هذه البقع البيضاء الخالية من اللون...والية مرض الصدفية والذئبة الحمراء ذكرتها في المشاركة الأولى..وهكذا.
ومن وجهة نظري حسب تجربتي من حالتي اشوف انو المناعة احد المتهمين الرئيسيين بالتسبب بهذه الأمراض طبعا مو عند الكل لأن يمكن هناك اسباب اخرى لم يتم اكتشافها لجل هذا كما قلت لم يكتشفوا علاج موحد يعالج جميع الحالات ولو بصورة مؤقتة كما هو الحال مع هذه العلاجات.
تحياتي وشكرا على هذا الحوار الجميل والراقي