[جودينا]

بارك الله فيكم والله يشافيني ويشافيكم بأسهل الاسباب وايسرها

ودي اقول لكم على كم شغله تقرقع في بي

بدايه وبشكل عام الى الان ماشفنا احد في العالم يقول لك استخدم العلاج الفلاني او اتبع الطريقه الفلانيه وبعدها رح تشفى من الصدفيه نهائيا ومن غييييييييييييير رجعه
لكن الحمدلله انو مرضنا غير ميؤس منه وفي حلول بديله وادويه مؤقته نلجأ لها تخفي او تهدي الصدفيه لفتره وبعدها تبداء من جديد لأنها تتميز بالتجديد..والحمدلله وضعنا افضل من غيرنا
نجي للخواجوا اول ما استخدمتها على الراس وشفت النتيجه ابهرتني صراحه وتفائلت اكثيييير وتحمست اتجاهها وكنت بنزل عنها الموضوع من وقتها من زود الحماس ..بعدها قلت لا اتأكد بعد الاستخدامات الثانيه وبعدها لاحظت انو كل مرا ادهن فيها احسن من اللي قبلها ووصفت ذا التحسن زين في اول الموضوع..وبعد التأكد احس جا الوقت اللي لازم اتكلم لكم عن ذي العشبه لأن معاناتنا وحده وان شالله زي ما استفدت انتم تستفيدون..المهم قبل لا انزل الموضوع كنت متأكده انو في اكثير بيجرب ذي الوصفه لكن كنت متوقعه انو اللي بيستفيد منها البعض لكن ماتضر يعني اللي استخدمها ومافادته مرح تضره والا ماكان استخدموها الاولين في علاج الجروح والحروق بالاضافه انها علاج خارجي وليس داخلي ..وكنت عارفه انو في احد بيمدحها وفي احد بيذمها حسب النتيجه اللي توصل لها واستجابه صدفيته لها..
نفس الوضع في خلطه الدهيميه وعلاج البحر على سبيل المثال الكثيييييييير مننا جربهم لكن اللي استفاد منهم شوي وبالنهايه ماضرت لأنها استُخدمت كأدويه موضعيه خارجيه وليست داخليه وطبيعيه وآمنه..والسبب من وجهه نظري بسيط وواضح وهو‘‘ اننا نعالج الاثر الظاهر للمرض وليس اصل وجذور المشكله‘‘ وعلاج الاثر الظاهر (القشور والحكه والاحمرار)قد يستفيد منه البعض وليس الكل زي ماهو حاصل معنا الحين..لأن كل انسان تختلف صدفيته واستجابتها عن الاخر..
اما لو جا اليوم اللي اذا عرفو فيه سبب ومنشأ ظهور الصدفيه وعالجوه هنا نقول انها رح تختفي من الكل وليس فقط البعض ومن غير رجعه وان شالله يجي ذا اليوم
زيي الحين افلحت تجاربي مؤخرا في ايجاد علاجات خارجيه تستجيب لها صدفيتي وتختفي بشكل اكبيييييير وليس بشكل تام ولو اوقفت العلاج لعادت ست الحسن لمواقعها السابقه وهذا لأني قاعده اعالج الاثر الخارجي وليس السبب..
وانا ماصدقت اني القى طريقه تخلصني من الصدفيه حتى وان كانت تحتاج الى استمرار لأني مالقيت غيرها وقلت لاء ..و احمدلله انها ناسبتني وخبرتكم فيها لأني اتمنى الشفاء للكل
فإن فادتكم ان شالله فمن الله وان مافادت فمن صدفيتكم والشيطان
احس اني تفلسفت زياده..