[عازمة على شفائه]

عزيزتي نسرين الحمدلله على سلامتها للين....منيح الي وقفت الدكتورة الادوية هادا اهم شيء...وتانيا لسة ما بين معك شي فلا تقلقي وان شاء الله انها حساسية عادية وما رح ترجع....انا اعرف شعور الام... واعرف اكثر.... لحظات الضعف التي يمر بها الانسان:لماذا انا؟ لماذا طفلي بالذات؟؟لدي ما يكفيني من المشاكل فلماذا يا رب؟؟ولكن والله كلها من الشيطان ...ما ان تستعيذي بالله حتى ترضي بالعكس وتفرحي ايضا...انا الحمدلله رب العالمين حتى الان اصلي ركعتين شكر لله تعالى على ما اصاب ابني...واشكر الله دائما انه ابتلاني بما استطيع ان اتحكم فيه على الاقل ولم يبتليني بما هو اصعب وانتي في الدنيا وتعلمين مصايب الناس....
اسمعي قبل كم يوم ... كان عندي صديق ابني واجى اخوه ياخدو من عندي يمكن عمر اخوه عشر سنين ...المهم اعطيتو قطعة كيكة كلها شكلاتة من فوق ..بعدين لاحظت انو معو صديقو كمان صغير عمرو شي عشر سنين...قلتلوا انتظرني قليلا بدي اجيب لصاحبك قطعة...قلي الولد:لا لا هو لا ياكل لانو معو سكري....يا الله يا نسرين اتقطع قلبي علي من جوا والولد بجنن ما شاء الله لا قوة الا بالله عليه...قلتلوا طيب عادي هيك تاكلوا قدام الولد؟؟(كان واقف بعيد بستنى)...قلي نعم خالتو عادي هو متعود...قلت في نفسي:الحمدلك يا رب العالمين انو ابني معو صدفية مو هيك شي..لانو ابني بلعب ومو سائل ومو محروم من شي بس هالولد محروم من شي بحبوا كل الصغاروالكبار كمان..الله يعينوا ويشفيه يا رب...رحت للولد اعطيتو رول فيه جبنة اطلع كتير فيها قبل ما ياخدها قلتلوا حبيبي هاي جبنة تاكل؟؟قلي طيب واخدها ...يا حبيبي شو زعلت عليه..بهالعمر وبحدد شو ياكل والو اختيارات لازم يعملها حتى لما يكون لحالو...ولا شك انها خيارات صعبة...
اللهم اشف جميع مرضى المسلمين يا رب العالمين صغارهم وكبارهم اللهم اشفيهم برحمتك يا ارحم الراحمين يا الله....