أنا رحت وقابلت الشيخ شخصيا وموقع مكتبه في البريمي في عمان وإستغرب إن صدفيتي ما راحت بل زادت وتهيجت والخطأ كان في الدهان إلى أعطوني إياه
الله يسامح إلي كان السبب حيث إن الشيخ كان في مصر وقتها وألحين وعدني يتابع معي العلاج للشفاء بإذن الله وانا بصراحة مرتاحة ألحين وأحس إنه في تحسن بالصدفية في أماكن بدت تختفي منها الصدفية ولله الحمد وانا بعد أستخدم الفازلين مع خل التفاح والحمد لله في تحسن وانا أنصح إلي عندهم الصدفية يبتعدوا عن السمك والبيض لأنه فعلا يهيج الصدفية زيادة حتى الشيخ أبو الفداء طلب مني عدم أكل السمك والبيض والموز ولحم البقر والبهارات الحارة لأنها تهيج وأنا فعلا لما كنت آكل السمك تزيد عندي الحكة والإحمرار وعشان كذا التحسن عندي بطيء والله يشفي الجميع بس إلي حاب يجرب علاج الشيخ الأفضل يكلم الشيخ بنفسه عشان مايصير خطأ بالعلاج مثل ما صار معي