اقتباس:
المشاركة الأصلية كتبت بواسطة lulita
عازمة على شفائه
أختي الحبيبة تأثرت كتير بكلامك , الله يشفي إبنك ويشفينا كلنا بإزن الله 
-
جهل الكتير من الناس عن هالنوع من الأمراض متل ما ذكرو الأخوة هو أكتر الأسباب اللي بتخلي المريض يخجل ,
أنا من طبعي خجولة كتير وأكتر من موقف صارو معي مو بس خلوني إخجل من المرض خلوني شبه منعزلة وأثرو على نفسيتي وعلى كل شي ..
واحد منن بتزكر وئتا كان بالعيد ورايحة ع الصالون وكان متهيجة شوي الصدفية عندي , عم تعملي شعري فوراً بتشهئ وبتئول شو هاد؟
الجواب المعتاد هو الحساسية من الصبغة , صارت تئرب وتتمعن النظر بإشمئزاز و نادت لكم وحدة يشوفو لك حتى الزباين صارو كلن يطلعو عليي
نظرات التعجب و الإشمئزاز .. والعبارات عم تتكرر شو هاد , ليش هيك , ييع !!.. أنا ما عاد ئدرت أحكي ولا كلمة بس عم أطلع على وجهوهن ..... رميت المصاري بوجها وطلعت فوراً من المحل وشعري مبلول , ومن وئتا ما عاد رحت على صالون كل شي أنا بعملو بالبيت لحالي . وكتير كتير من المواقف المحرجة ,
الناس اللي حولينا كتير ئلا تأثير على النفسية ..
بس بيضل عندي أمل بالشفاء , والله يشفينا جميعاً . |
عزيزتي لوليتا:
اشكركي حبيبتي للمشاعر الرقيقة:
عزيزتي ان شاء الله الشفاء قادم وهذا يقين وليس امل
هناك قاعدة عامة بتوقع انها قد تريح الشخص عند الجواب:وهي اذا كان على ثقة واستعداد بان يجاوب بدون خجل او استحياء فليفعل...اما اذا كان داخليا يشعر بالحرج فالافضل ان يقول انها حساسية...لان الشخص الي قدامك سيدقق في طريقة الاجابة بسبب الفضول فاذا كان الجواب بثقة عالية بالنفس سيشعر الشخص بمصداقية المصاب بالصدفية وسيتعامل معه بنفس الثقة التي جاوبت عليها اما الخجل والتشكك فسيجعل السائل يكش ويشك انك لم تجاوبه بصراحة وسيتعامل معك بحذر بنفس الطريقة التي جاوبته عليها.لذلك انا اقول حساسية بصراحة لاني لم اصل لمرحلة اقول بثقة عالية ان ابني مصاب بالصدفية,بالذات انه طفل وسيكون في كثير من الاوقات بدوني متل في المدرسة....
ان الشخص يخبر اقاربه المقربين لانو يتحدث معهم عادة بصراحة وثقة عالية بان هذا قضاء من الله وقدر لكنه لن يجد نفس هذه القوة حين التحدث مع غريب لان هذا الشخص لا يعلم عنك شيء غير الذي يراه من المرض ولن ينتظر منك تبرير او موقف ديني تجاه ما اصابك ووقت الاجابة سيكون ضيق على الاغلب يعني شو رح تلحق تقول لتقول؟؟؟.
احيانا افكر(وهي افكار من الشيطان على فكرة)هل عندما يكبر ابني سينعزل متلا في سن المراهقة لانو الواحد كتير بهمو شكلو في هذا السن بالذات...وافكر كذلك هل سترفضه الفتيات عندما يتقدم لخطبة احداهن ؟؟؟؟هل سيرفض انو يلبس نصف كم او شورت مثلا بعد كم سنة؟؟؟هل سيقبل بان ادهنلو زيوت برائحة او بدون وهناك ادوية الكورتيزون الاسرع والاسهل في الاستعمال؟؟؟؟هل سيتعلم يجاوب على نفس هذا السؤال ؟؟؟اسئلة كثيرة كثيرة عندما افكر فيها اتعوذ من الشيطان الرجيم واتذكرالشفاء الذي حققته من فضل الله تعالى علي وبان الشكر والحمدلله هو اللازم افكر فيه ليس افكار سوداء متل هذه....اتذكربان الشفاء قادم لا محالة وانا في الانتظار...
اسفة على الاطالة بس فضفضت شوي...
اللهم اشف جميع مرضى المسلمين اللهم اااامين.