[ايهاب العراقي]

لا انا مااعتقد انو النفسية لها علاقة بالصدفية..واشوف هذا الكلام شماعة يعلق عليها الدكاترة فشلهم في ايجاد للعلاج..روحوا اسألوا اصدقائي قولولهم ايهاب شلون طبعه مو يحب يتشاقى ويحب المزح والضحك..والحمد لله اني مرتاح ماعندي اي مشاكل او ضغوطات معينة..واحزاني كلها في الحياة سببها الصدفية..يعني ان حدث في حياتي حزن او اكتئاب او عصبية فالصدفية هي التي تسبب هذا لي..وليس العكس..هي اللي تضغط علينا وتخلينا نعصب..هي مو نحنا..وانا ماعندي قناعة بالكلام اللي يقول انو نقدر نتحكم بعقلنا ونفسيتنا ونخلي الصدفية تطيب هذا كلام غير منطقي..لأانك كأنك قاعد تتصارع مع الهوا وانت ماتشوفه..هذي الشي مو بيدنا.
واقول للأخ الكريم سعيد..الشغلات اللي تتحدث عنها حضرتك هذي تختلف فالحوادت والفزة والخوف المفاجيء هذي تختلف عن النفسية لأن هذي تسبب طفرة mutation وتتنتج عن هذه الطفرة الأمراض المختلفة..اما الحالة اللي ذكرتها كمثال فهذي حالة بسيطة جدا وليست حالة شديدة جدا ومستعصية كحاالتي..وهذي الحالة هي من الحالات السهلة التي تختفي لحالها ومن تلقاء نفسها من دون علاج ويوجد هكذا حالات وانا رأيتها .
يعني لماذا عندما يكون الأنسان مرتاح وعايش في راحة وسلام وماعندو مشاكل ..لماذا هذا الشي لايؤثر بالأيجاب على الصدفية لماذا لا تخف ولا تختفي؟؟وعندما يكون متضايق ونفسيته تعبانة يزيد عنده المرض!!..قسمة ضيزى..وانا هذا رأيي من واقع حياتي بالعكس الصدفية هي اللي تأثر على نفسيتنا وتضغط علينا وتخلينا نتضايق او نعصب..والعكس غير صحيح.