[احساس زوجه]

اللي حاب يطل علي ويمشي حياه الله لكن اللي بيرد علي جزاه الله الف خير

هذي من اولها

انا لي 8 سنوات اعاني من هالضيف الثقيل علينا المهم جربت كل شي بدءا من الفازلين الطبي والدايفونكس والبتنوفيت والدبروساليك والديرموفيت واستقريت حاليا على الدايفوبيت اكيد بتقولون قوي
اللي حابه استفسر عنه جم سعره بالسعوديه لانه عندنا بالكويت اول شي لازم وصفه طبيه وسعره غالي 10 دنانير وشي واتعرفون لازم كل اسبوعين حبه

اللي بقولكم اياه شي غريب

قبل تقريبا ثلاث سنوات وفجأة اختفت الصدفيه والله العظيم ولا نص حبه ( حلوه نص حبه هذي ) قسم بالله ما صدقت واكتشفت بعد جم يوم اني حامل ولكن هذا حملي الرابع
فما هو التفسير ؟؟؟؟ ما ادري
وبعد سنتين من الراحه عاد هذا الضيف مره اخرى ولكن بصوره خفيفه لحد ما
اللهم لك الحمد على كل حال

ولما رجعت لدكتوري قالي من الله ادري كل شي من الله سبحانه بس مافي تفسير علمي هل انا بالحمل صار شي بهرموناتي ماني عارفه ام المناعه مثلا

المهم ما لكم طويله

عندي استفسار لكل مصدوف متزوج !!! ( ايه انت لا تطير اعيونك )

لو زوجتك هي اللي فيها صدفيه وحنا كلنا انعرف ان المرأه هي رمز الجمال والنعومه والخ الخ ... سبتسوي ؟ (يمكن جوابكم يريحني . بس جاوبوني بصراحه )

طولت عليكم بس ابيكم اتعرفون اني من اول ما دخلت من باب هالملتقى صار بيتي الثاني اللي ارتاح فيه