ملتقى الشفاء الإسلامي - يعنى ملكش رسالة فى الحياة وعايز تحقق أحلامك ... طب إزاى ياعم الحج ؟؟؟؟

ملتقى الشفاء الإسلامي (http://forum.ashefaa.com/index.php)

- ملتقى الحوارات والنقاشات العامة (http://forum.ashefaa.com/forumdisplay.php?f=49)

يعنى ملكش رسالة فى الحياة وعايز تحقق أحلامك ... طب إزاى ياعم الحج ؟؟؟؟

السلام عليكم ورحمة الله وبركاته ،،،،،،،،

معلش هو العنوان مستفز شوية بس أعتقد أنه هو ده الواقع اللى كتير مننا عايشينه دلوقتى وأنا لا أبرئ نفسى وكتير مننا أحنا الشباب ولاد أو بنات رؤيته ورسالته فى الحياة مش واضحة

يعنى عمرك سألت نفسك يا ترى أنت عايز إيه http://www.rasgharib.net/vb/images/smilies/84.gif ؟؟؟ أو أنتى سألتى نفسك نفس السؤال ؟؟؟ ياترى فيوم من الأيام كان نفسك تحقق هدف معين وبمرور الوقت لقيت نفسك ماشي في هدف تاني خالص .. ليه دايماً تدخل كورس ومتكملوش .. تحفظ قرءان ومتكملش .. ليه حاسس أنك مشتت ... ليه دايماً أوقاتك بضيع وعمرك بيجري ولسه محققتش أهدافك وأحلامك ؟؟؟ عايز تعرف ليه http://www.rasgharib.net/vb/images/smilies/187.gif ؟؟؟ علشان رسالتك مش واضحة .. ورؤيتك مختفية .. أنت عارف إن تحديد الرسالة يجنب الإنسان تشتيت الأفكار .. والشعور بالتيه .. ويحمي الإنسان من إنعدام الرؤية وضياع الأوقات .. يدفعك دفعاً للوصول لأهدافك .. ومعرفة اتجاهك الصحيح . والرسالة باختصار هي

" ما تود أن تسير عليه في الحياة , وهي الطريق الدائم الذي ستسلكه في الحياة

لا تنتهي ما دام قلبك ينبض بالحياة وهي طريقك في الحياة "

وكلما كانت رسالتك أوضح كلما كان تأثيرك أكبر ...

والله سبحانه وتعالى الذى أنشأ هذا الكون لم يخلقه عبثاً وأصحاب الفطرة السليمة من الناس يعمرون هذا الكون فبعض الناس رسالتهم فى الحياة وذلك على سبيل المثال لا الحصر " تعليم الناس _ خدمة الآخرين _تخفيف آلام الناس _ النصح والارشاد _ اسعاد الاخرين _ التربية _ الخ الخ الخ " فى النهاية لابد أن يكون لك رسالة فى الحياة ومن كانت لديه رسالة فليكتبها لعله ينفع بها غيره

ومن ضمن رسائلى فى الحياة هى

" إرضاء ربي .. عن طريق إسعاد نفسي .. والآخرين .. بواسطة التنمية بالإيمان "

إسعاد نفسى كما قالوا قديماً فاقد الشئ لا يعطيه . فكيف سأنفع الاخرين إن لم أستطع أن أنفع نفسي ، والآخرين كما قالوا أيضاً ما استحق أن يولد من عاش لنفسه فقط .. وكن رجلاً إذا أتوا بعده .. يقولون مر وهذا الأثر

http://www.rasgharib.net/vb/images/smilies/smile.gif ولكم منى التحية والسلام http://www.rasgharib.net/vb/images/smilies/smile.gif