شعر زينات القليوبي دار المسنيــــن ( البيت الجديد ) ؟؟؟!!!!! ــــــــــ ــــــــــ ــــــــــ ــــــــــ


بتلم ليه.. الهدمتين والطرحتين والشبشبين ؟؟؟!!!

ماتقوللي ياابني واخدني فين؟؟؟

( علي بيت جديد ) ؟؟؟؟؟!!!!!

مش عايزه ياابني بيت جديد...

البيت دهه أنا عشت فيه خمسين سنــــــــه

مااعرفش غيـــره أي بيت ؟؟؟

أنا جيت عروسه صغيره وقعدت فيه لمّا أتحنيت

أسأل بلاط الأرض ؟؟؟ وأسأل كـــــــل حيــط

مش عايزه غيره أي بيت ؟!!

أنا عشت يابني سنين هنا ..

وأتمني أموت برضك هنـــــا

علي فرشتي .. ومخدتي .. والبطانيه واللحاف

أفتح عينيه كل يوم .. وأقفل عينيه كل يوم

علي إيد أبوك بتضمني ف صورة الزفاف

بتدفي قلبي وتحضنه ف سنيـــــــ ـــن عجاف

وانا عارفه يابني ان أخدتني البيت الجديد

أنا رايحه أخاف .. وانا ياابني مش عاوزه أخاف !!!

ف الأوضه دي أنا لسّه عايشه ويّا أبوك

عمري اللي فـــــات !!!

أصل الحبايب لوسابوك .. بيعيشوا فيك بالذكريات

خليني ياابني ويّا أبوك أصحي وآبــات

وأعيش معاه باقي الساعات ...

واشم ريحته ف الحاجـــــ ــات

مين اللي قالك .. إنه مــــــــــــــــا ت؟!!

لسّّّه البدل جوّه الدولاب .. جنب السرير أخر كتاب

ولسّّه سجادة الصــــــلاه..

والسبحة فوقها منـــوّره

ولسّّّه بااسمع ضحكته وسط السكــــــ ـــــــات !!!

أنا عايشه يابني ..

بحاجة أبوك متونســــــــه

وبدخلتك ويّا العيال متونّسه

وانا عارفه ياابني

ان خدتني البيت الجديد

رايحه أتنســي .. وانا ياابني مش عاوزه أتنسي ؟!!

فإن كنت محتاج الوســـــع

لاجل العيــــــــــال ؟؟؟

هات العيــــــــــا ل

انا عندي يابني سرير كبير

حاارقد علي حرف السريــــر

واسيب لهم باقي السرير

وان كنت محتاج السرير ؟؟؟

خد السريــــــــــــر!! !

إن شالله أنام فوق الحصير

لكن أنام وسط الأمـان !!!

خليني يابني ف وسطهم ..

قدّرني واحده منهــــم

باقي الزمان .. وماهوش كتير ؟؟؟

وحياتك أنت ؟!! ..ماهوش كتير

أنا مش حاعيش أدّ اللي عيشته

ولانفسي أعيش بعد اللي شفتــه!!!

كمّّل جميلك .. !!!

وأستر الباقي ف حياتي !!!

أناعمري يابني قصاد عينيك ..

فرّطت ف أمي أو حماتـي؟؟؟؟


إن كان علي ضيق المكان

ما أنا قلتلك خد السريـــر !!!

وإن كان علي ضيق المعيشه

أبوك سايبلي معاش كبيـــــــر

قسمته يابني من زمان ....النص ليك

و الربع مصروف العيــــــــال

والباقي مصروف الـــــدوا !!!

لكن خــلاص
ـــــــــ

وحياة عينيك ماعاد حايلزمني الدوا


خد المعاش .. ؟؟؟؟؟؟؟

كل المعـــــــــــــاش !!!!!!!!

لكن بــلاش ..

ترميني ف البيت الجديد

وأحس إن ربايتي فيك

راحت .. بــــــــــــــــــــلاش


؟؟؟؟؟؟؟؟؟؟ ؟؟؟؟؟؟؟؟؟؟ ؟؟؟؟؟؟؟؟؟؟ ؟؟؟؟؟؟

ــــــــــ ــــــــــ ــــــــــ ـــــــــ


صرخة نيابة عن كل أم وكل أب في زمن الجحود والنكران ...
زينات القليوبي

السلام عليك اخي في الله
فكر خاص
بارك الله فيك على طرحك الرائع والمؤثر
اللهم اجعل جميع المسلمين من البارين بوالديهم
وثبت قلوبهم على طاعت الله واتباع سنة رسوله الكريم
اللهم امين
جزاك الله خير الجزاء
ودمت بحفظ الله ورعايته

يا الله
يا الله
و الله كلمات يندى لها الجبين و تهز القلب
بارك الله فيك أخي الكريم على الكلمات الاكثر من راااائعة
جعلنا الله و إياكم من البارين بواليدهم
اللهم إجعل واليدينا سببا في دخولنا الفردوس الاعلى
اللهم بارك لنا في أعمار واليدينا
جزاك الله عنا كل الجزاء

السلام عليكم ورحمة الله وبركاته

لا حول ولا قوة إلا بالله

صرخات تنطق به شفاه من ولدوا وربوا

ولكن من تربوا ..

للأسف عميت قلوبهم

هدى الله كل ابن جاحد وحنن قبله على والديه

اخى الكريم فكر خاص

اشكرك على هذا الطرح المؤلم

لعل يقرأه أحد يؤثر فيه فى زمن صارت القلوب مثل الحجارة