جمعية كارهي الحياه
 

ليه الناس بقيت بتحب الموت و تتمناه
ليه بقت الناس حاسة ان حل مشاكلهم انهم يموتوا او ناس تانية تموت
ليه بقينا حاسين ان سعادتنا متوقفة على موت فلان
ليه بقيت دي نظرتنا للحياة http://www.haridy.com/ib/images/smilies/dntknw.gif

اليهود زمان ادعوا ان ليهم الدار الاخرة فرد عليهم الله بقوله ((فتمنوا الموت إن كنتم صادقين ))

ثم أخبر سبحانه أنهم لا يتمنونه أبداً بما قدمت أيديهم من الأوزار والذنوب الحائلة بينهم وبين ما قالوه ، فقال ((ولن يتمنوه أبداً بما قدمت أيديهم(..

فالموت مصيبة كما سماه الله تعالى ((فَأَصَابَتْكُم مُّصِيبَةُ الْمَوْتِ.))

لكن بقينا ليه بندور عليه

ليه بقت كل حاجة في حياتنا ممكن تموتنا
و الغريب ان مبقيناش خايفين من الموت و بنتمناه رغم كراهة تمني الموت
هل احنا مستعدين للموت دة

ليه الموت بقا سهل كدة ، حتى على سبيل الاماني بقا موجود
ليه جالي الايميل دة مثلا اللي اسمه اختارلك موته حلوة و رغم انه مكتوب بطريقة كوميدية الا انه يحمل في طياته الالم


ليه ناس كتير بتتمنى الموت في لحظات الضعف و المشاكل و النوائب ظناً منهم أن الموت هو الحل لسلسلة العذابات اللي عايشنها

منعرفش غير مرحلة اولية مما بعد الموت حفرة – ظلمة – منكر و نكير - اسئلة – اجابات - جنة ان شاء الله او نار نستعيذ بالله منها
سبحان الله اللي بعد كدة مفاجأة محدش عارف نوعها حتى لو احسنا الظن بعملنا

طبيعي الموت حتمي جاي جاي
كما قال الله تعالى ((( كل نفس ذائقة الموت و إنما توفون أجوركم يوم القيامة ) آل عمران : 185 )

مش بناقش حتمية الموت فهي امر بديهي لا شك فيه
ليه بقينا كارهين الدنيا ؟؟ مين السبب ؟؟ اكيد ناس و الا يمكن ظروف ؟؟؟ طب لو الناس دي ماتت مشاكلنا حتتحل؟؟؟
ليه هو عايزالشخص دة يموت و الشخص دة بردو عايز الاولاني يموت
و الله لو استجاب الله لنا جميعا لموتنا جميعا ايضا

مختش بالك من حاجة مهم ..هيا ان محدش من الي انت قولتهم فوق دول بيتمني الموت لنفسه ..دايما دايما لغيره...وكأنه بيقول انا انا وبعدي الطوووووووفان ...يلا حسره فوق حسره يعني على عز فاتنا من زمن ولا لا حب ضيعناه ..ورحنا نبكي ونشتم في الي سرقه..
عايز ترتاح بجد بجد؟؟!!
تعالا نرجع تاني لاسلامنا الصح وسيبك من الناس الوحشين دول وخليك انت دايما محب الحياه مش زي فرعون ولا قارون والعياذ بالله..لا زي ما قالك رسول ..صلى عليه يلا..(ص)
اعمل ليومك كانك تموت اليوم واعمل لغدك كأنك تعش امد الدهر
وخليك فاكر ان كل واحد من الي انت قولتهم فوق دول محدش منهم داق الحلاوه الحقيقيه للحياة ولا عمرهم هيدقوها
عشان كده سيبك منهم وماتشغلش بالك بيهم واشغل انت بالطريقه الي تلاقي بيها الحلاوه دي ..كلام في سرك ..مش هتلاقيها غير لو التزمت بكلام ربنا ...... ودمتم في حفظ الله

سبحان الله
 

السلام عليكم
اشكرك اخي علي الموضوع فعلا بقيت ظاهرة ان كل الناس تتمني الموت بس هي مش صادقه لانها مش مستعده له والاكثر من ذلك ان كل الناس كرهت الحياه والاكثر من ذلك ان هناك من ينهون حياتهم بايدهم كانها ملكهم ولايدرون انها مللك لله وحده سبحانه وتعالي
وقد انتشرت في المجتمعات ايضا ظاهرة ان كل من يجد من ابويه غلظه في القول والدافع يكون الخوف عليهم ينهي حياته بيده
اللهم اجعل الموت راحه لنا من كل شي
شكرا اخي علي الموضوع
سبحانك اللهم وةبحمدك لااله الاانت سبحانك اني كنت من الظالمين