ملتقى الشفاء الإسلامي

انجرح صوت البلابل ع الشجر
وانكسر غصن الحنان ..
حتى النهار نوره انجرح والليل كمان ..
الناس قلوبها اتحجرت من كتر ما شافت آلام ..
حتى الدموع جوه العيون جفت وراحت من زمان !!
داريت وجع الليالي
عن ناس مالهومش غالي ..
سافرت بعيد أدور عن حضن وعن أمان .
وقلت لنفسي يمكن ف الغربه هناك مكان..
والدرب كان طـــــــــــــــــــــــــــــــــــــــويل ......
ضاعت أيامي مني ، وشريط الذكريات !!
نسيت آخد معايا
خريطة المكان !!
وقفت لوحدي حايره .. تايه وسط الزحام ..
تدور الدنيا بينا ..
والناس بتدوس علينا
في زمان الكل ياخد .... ويقول عايز كمان !
أيام عشناها نحلم ، ونطير من غير جناح
ولما بنصحي فجأة بتوجعنا الجراح ، ويجرحنا النهار
أمسك ألمي بأيديه ، واكتم جوايا صوتي ،
واداري عل الجراح .....
دنيا ...
الناس فيها بتحلم
وناس تانية بتجري
وناس ف الوسط تايهه
سراب وراه سراب
مشاوير هي قدرنا .. بتاخدنا ألف مرة ...
وف لحظه العمر يجري !!!!!
ندور عل الحقيقة
وندور عن مكان
ما لاقيت غيرك ياربي
أنت العالم بجرحي
ياأحن من الحنان
نور بالحب قلبي