الحلــــــم سافـــــــر
م الزحمة تاهت خطوتى والسكة بعدت ... والطريق مبقاش له اخر كل ما بمشى فى سكتى بلاقيها صعبة .. والإسم تاة جوا الدفاتـر م انا برضـــوة واحــــد م البشـــر من حقى اعيش أكبــــر ويكبــــــر حلمــــــى يـــوم ولا ينتهــيـــش وأهوة كل يوم الحلم يكبر ... وإحنا ويا الحلم نكتر كــــل دة ليـــــه علــشــــان بقيــــنا كتيـــــر قـــــــوى كل ما نحلـــم حلمنا ...يصعــــب قوى وأنا لسه تايهه خطوتى وسط الزحـــام ... والحلــــم سافر أتوبيسنا ماشى .... وناس كتير فى محطتة زى المطر ماشى وعلق يافطتة ...على بابه إحزر م الـخــطـــــــر أصــل العـــدد ...ملهــوش مثيل وان قولت بس كفايه يا أسطى .... الكمسرى بيقــــول ..( قليـــــــل ) . أيه العمل ايه الدليل ..وانا لسه تايهه خطوتى وسط الزحام والحلم سافر فى ناس كتير متجماعين فى طابور كبير علشان رغيف وناس كتير البرد واكل جسمها ..فى العشا بتنام خفيــــف كــــل دا ليــــــــه علشان بقينــــا كتيــــر قـــــــوى كل ما نحلم حلمنا ...يصعب قوى وأنا لسه تايهه خطوتى وسط الزحام والحلم سافر حتى المساكـــــن قبل القلم ما يخط بيت ...صاحبة العمارة يقولى ساكن أصل اللى حاجز برضوة ساكن وان حتى قولت دا كله ليه ..يقول يا صاحبى مفيش مساكن علشــــان بقيـــنـــا كتيـــر قــوى كل ما نحلم حلمنا ...يصعب قوى وأنا لســــه تايهــــه خطوتـــــى وسط الزحام والحلم سافر |
:salam:
جزاك الله خير اخي الكريم ** وائل عبد الوهاب ** على هذه الكلمات الطيبة وهلا بك بيننا اخي الكريم :wafaq: :85: |
أشكر مرور عينيك على كلماتى سيدى الفاضل واتمنى ان تقبلونى صديق واخ بينكم وان لا اقلل من مستوى الإبداع الشعرى معكم
|
| الساعة الآن : 04:23 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour