قدر الله وما شاء فعل
 

السلام عليكم ورحمة الله وبركاته
انا اسمى محمد 28 سنة مهندس مدنى كنت ناجح جدا فى شغلى وكنت شغال فى الخليج بقالى 3 سنين اخر سنتين بعدت عن ربنا شوية وانشغلت بالدنيا واللى فيها وبعدين ربنا هدانى وقررت انى اخطب والحمد لله بقالى 5 شهور خاطب.
من يوم ما خطبت وعملت حفلة وانا بتحصلى حاجات غريبة فى وقت واحد شغلى باظ ورجعت مصر وخسرت فلوس وكل ماجيب موبايل جديد يبوظ واكتشفت ان عندى مرض خطير كمان اخويا مراته كانت حامل بس اجهضت وحملها مكملش.
ودلوقتى حاسس ان كل حياتى باظت وكل حاجة بتتدمر انا حاسس ان حد سحرنى او اتحسدت.
انا مش عارف اعمل ايه يا ريت مساعدة.
وجزاكم الله كل خير