ملتقى الشفاء الإسلامي - نهاد والفستان ابو عداد

http://teacher86.com/uploads/uploads/13295056051.jpg

~:: نهاد والفستان ابو عداد ::~

نهاد بنوتة عسولة و طيبة و محترمة

وفي مرة كانت ماشية نهادوشافت فى محل فستان قصير كده بيتلبس تحته بنطلون سكيني وبوط

المهم مترددتش نهاد ودخلت اشتريت الفستان وايشارب صغيور كده عليه بس كان عليه عداد كده مكان التيكت اللى فى ضهر الفستان

سألت نهاد صحبتها تفتكري ايه ده

قالتلها صحبتها ابداً ده تلاقيه مكان التيكت كحلية فى الفستان متشغليش بالك

اهم شىء ان الفستان هيكل منك حته موززة موت بيه

وحطيت نهاد الفستان والبنطلون جنب سريرها عشان تنزل تروح بيه الجامعة تاني يوم

تاني يوم لبست نهاد الفستان

وعديت على قهوة وهي ماشية كل اللى كانوا قاعدين فى القهوة بصوا عليهاا و عيونهم متشالتش من عليهاا لحد ما بعدت نهاد والعداد عد لحد 20

مشيت شوية نهاد بجنب محل واقف عليها 3 شباب بردوا قعدوا يبصوا عليهاا وعينهم متشالتش لحد ما بعدت نهاد وعد العداد 23 وهكذاااا لحد ما راحت نهاد كليتها ورجعت

وبتقلع فستنها فؤجئت بالعداد واصل ل 300عين ..

استغربت نهاد العداد ده وراحت للمحل سألتهم العداد ده بتاع ايه وايه ال 300 دول

ردت صاحبة المحل

اه الفستان ده نظامه كده و العداد ده فى ضهر الفستان مش بيتشال

وبيفضل يعد اول ما حد يبص عليكي وانتى لابساه وال300 دول عدد الناس اللى بصوا علييكي

نهاد : يعني اييـه !!!

يعني الناس اللى بصوا على جسمك وانتي لابسااااه

نهاااد : وهو انا كل مااامشي هيفضل العداد ده يعد انا مش عايزاه

ردت صاحبة المحل طيب هو انتي ليه واخده

احنا كل الفساتين اللى طالعة جديد كده عندنا بعداد

نهااد: انا مش عايزة الفستان وعايزة فلوسي

اسفة البضاعة المباعة لا ترد

وفجأة لقيت شباب عمالين يضربوا على ازاز المحل
البنت دي فتنتاا

البنت دي هي السبب فى اللى انا فيه

بلبسها الضيق ده خلتني ارجع تاني اتفرج على مواقع اباحيه

بلبسها كل ما كنت هقف اصلى الاقي صورتها جت فى عيوني بلبسها ومكياجها

انا حاسس انى ضعت بسبب البنات دي وكسروا زجاج المحل عايزين يضربوا نهاااد

صرخت نهااااد الحقووني اعمل ايه

قعدت تجري نهاد فى المحل لحد ما وصلت لاخره لقييت سد

بصيت وراها لاقيت الشباب بيجرواا وراها معاهم سيوف و شوم و عايزين يقتلوهاا

صرخت نهاااد وفجأة

لاقييت نهاد نفسها فى اوضتها على سريرها كانت بتحلم بكابوس

قصادها الفستان اللى اشتريته انهاردة وهتروح بيه الجامعة

نهاد : الحمد لله يارب ايه ده كابوس ومسكت الفستان

واتصلت بواحدة صاحبتها اتعرفت عليها جديد

نهاد : ازيك انا نهاد فاكرني اللى قابلتيها فى المسجد من اسبوع

غادة :نهاد حبيبتى اه طبعا عارفاكي ازيك ياقمر ايه المكالمة الجميلة دي

نهاد : ميرسي ياغادة انا عايزة احكيلك كده على حلم وتقوليلي يعني ايه الحلم ده

غادة :بس انا مش بعرف افسر لكن قولي ياحبيبتى انا عايزة اسمعك

وحكييت نهاد لغادة عن الحلم وعن الموضوع كله

غادة :انا مش بعرف افسر احلام بس هقولك على حاجة

بجد دي رسالة من ربنا ليكي اني تتقيه في لبسك

الناس بتموت يانيهاد والصغيرين قبل الكبار

فاكرة البنت اللى اسمها زينب فى سكشن 3 اللى كانت طالعة الاولى السنة اللى فاتت

ااااه عارفاها اللى كانت بتلبس ضيق اووي وتعمل شعرهاا الوان كتيرر اااه مالها

توفت من شهر فى حادث سيارة

بس الحمد لله التزمت قبل ما تتوفى بفترة

ياااااااااااااه لا حول ولا قوة الا بالله

بجد قلبي وجعني : (

انا لازم الحق نقسي فعلا ياغادة معرفش هعيش لحد امتى

غادة:من دلوقتي اوعديني تغيري لبسك : )

اوعدك واوعد ربِ حبيبي انى هغير نفسي وربنا يبارك فيكي يغادة

سامحني يارب واغفرلي

انتهت..

ياريت بجد نتعظ ونحاولى نرضى ربنا قبل ما نموت

الموت بقى قريب اووي

ربنا يحفظكم ويرزقنا واياكم حسن الخاتمة

ولا تنسوا نشر الموضوع فى كل مكاان

بارك الله فييكم : )