بَحِبِّكْ يا مصرْ ..
http://www.egyptsons.com/misr/images/smilies/bloom.gifبَحِبِّكْ يامصرْhttp://www.egyptsons.com/misr/images/smilies/bloom.gif بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أميره .. وأحبِّكْ يا مصرْ . بحبِّكْ ملايه .. ومنديلْ بِقُويا . مقالبْ من أختى .. وغتَاته مْنْ أخويا . ودعوه مِنْ أمى .. تنسينى همِّى .. وحِكْمَه مْنْ أبويا. وأحبِّكْ صبيِّه .. على البحرْ جايَّه .. فى ساعةْ عصَارى . ونسمه قُبَالْها .. تطيَّرْ فى شالْها .. تبَيِّنْ جمالها .. وتِرجعْ تدارى . وأحبِّكْ مراكبْ .. تعدِّى إللِّى راكبْ .. لبرْ الأمانْ . يدوبْ جوَّا نيلكْ .. ويعطشْ يجيلكْ .. يقوللِّكْ كمانْ . وأقابلِكْ ببُوسه .. فى زفِّةْ عروسه .. ولَمَّه فى بيتنا .. مع ولادْ حارتْنا .. تدُقْ المزاهرْ .. ترُدْ المزامرْ .. تزَغْردْ جارتْنا . نهلِّلْ .. نغنى .. وحلمْ التمنِّى .. ينورْ ليليتنا . وأحبِّك زياره لبيتْ عمْ سيدْ .. ده أصله فقير مِشْ حيقْدرْ يعَيِّدْ .. نعَيِّدْ عليه .. نفرَّحْ عنِيهْ .. ويدعيلْنا دعوه بمليونْ جنيه . فى أرضِكْ يحِسْ الغريبْ إنُّه مصرى .. وإحنا الأجانبْ . ويلْقَى الرعايهْ .. ويلْقَى الحمايهْ .. على كلْ جانبْ . ويمشى ف ربوعِكْ .. ويشبعْ بجوعِكْ .. ويعملْ مصايبْ . ويرحلْ وينسى .. جِميلِكْ ويقْسَى .. ويطْلَعْ يعايبْ . ويرْجعْ تسامْحى .. يا ساكنه فْ ملامحى .. يا سِتْ الحبايبْ . ولادِكْ بَنُوكى .. بروحْهُمْ فَدُوكى .. ويِشْهدْ عليهمْ ترابكْ فى سينا . ومنهُمْ با عوكى .. عشانْ الشِيروكِى .. وفيللَّا فْ مارينا . يعيشوا فى خيرِكْ .. ويدُّوهْ لغيركْ .. ولادْ اللَّذِينا . ولوْ جارْ زمانْهمْ .. يعودُوا لْمكانهمْ .. يلاقوا السَكينَهْ . وتِنْسِى جحودْهمْ .. وتبكى عليهمْ .. عنيكى الحزينهْ . فى أرضكْ سرَحْتْ .. فشَلْتْ ونَجَحْتْ .. وعشْتْ بْبساطَهْ . صاحِبتْ الحمَامْ .. ونِمْتْ فْ سلامْ .. ولوَْ عَ البلاطهْ . تِغَيَّرْ فى شَكلى ..همومى ومشَاكْلى .. لكِنْ روحى لأْ . أعَبَّرْ بغنْوهْ .. وأقولْ نُكتهْ حلوهْ .. لكِنْ يأسْ لأْ . ما طيقْشْ الغَتاتهْ .. وقلبى المسالمْ ما يعرفْ شّماتهْ .. وأقولْ بالتلاتهْ .. http://i195.photobucket.com/albums/z...ries/f35gd.gifبحبِّكْ .. بحبِّكْ .. بحبِّكْ .. يا مصرْhttp://i195.photobucket.com/albums/z...ries/f35gd.gif |
رد: بَحِبِّكْ يا مصرْ ..
جنبكم الله الفتن أختي
فمصر أعدائها كثر والمصيبه لو صلحت مصر سوف تصلح باقي دول الجوار فهم يريدون لها الخراب حتى لا تنصرف قلوب المسلمين لنصرة السنه في بقاع الارض ونصرة أهل فلسطين فاحتالو عليكم بهذه المشاكل التي حلت بكم يريدونها طائفيه كباقي الدول التي ضاعت منها سوريا واليمن وليبيا ولبنان ووو المهم حفظكم الله يا اهل مصر وابعد الله عنكم الفتن ما ظهر منها وما بطن |
رد: بَحِبِّكْ يا مصرْ ..
اللهم آمييين اخى الطيب انه مخطط اسرائيلى لكى يعملوا فتنه طائفيه بين المصريين ولكن الله موجود وان بعد العسر يسر شكرا لمرورك |
رد: بَحِبِّكْ يا مصرْ ..
كلمات روووعه بوركتِ |
رد: بَحِبِّكْ يا مصرْ ..
بسم الله الرحمن الرحيم " .. وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ" [سورة الأنفال: آية 30] حفظ الله بلادنا وبلاد المسلمين من كل سوء وفضح جميع الخونة والمتأمرين ورد كيدهم فى نحورهم :_11: جميل ما قدمتِ .. شكراً لكِ زهرة محبتنا :_11: |
رد: بَحِبِّكْ يا مصرْ ..
فى أرضِكْ يحِسْ الغريبْ إنُّه مصرى ..
عبارة جميلة . هناك شخص مصري قال :" لو لم أكن مصريا لتمنيتُ أن أكون مصريا " هل عرفت من هو ؟ |
رد: بَحِبِّكْ يا مصرْ ..
اقتباس:
اللهـم آآآميـــن شكراً لـ مروـرك :_11: |
رد: بَحِبِّكْ يا مصرْ ..
اقتباس:
هـــو الزعيــم :_11: مصطفى كامل :_11: |
| الساعة الآن : 10:35 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour