اثار الصدفيه
السلام عليكم
شباب أنا فيني صدفيه وراثه طبعاً من الوالد الله يطول بعمره المهم بداية علاجي كان دهان كردزون واللله لا يوريكم صدفيه بشكل مو طبيعي لين رحت طبيب خاص عطاني كورس حبوب نسيت اسمها والحمدالله راحت من كل جسمي ماعدا اطرافي طبعاً وعندي اسئله ان شاء الله تفيدوني بالنسبه لآثار الصدفيه بظهري باينه جنها بقع سوده فيه طريقه لعلاجها وبالنسبه للوالد اهو كان يستعمل ابر تحت الجلد كل اسبوع وماشاء الله اختفت بالمره الصدفيه لكنه قطع هل علاج بسبب السكر الله يشافيه احد جرب علاج الإبر خصوصا اهل الكويت لانه فيه نوعين من الإبر تحت الجلد والثانيه الوريد * |
رد: اثار الصدفيه
اعتقد الحبوب اللي تقولها هي ميثوتركسات والابر اللي استخدمها الوالد هي الهيوميرا او الامبريل هذي كلها ادويه وقتيه يعني فتره ويرجع نفس الوضع الاول ويمكن اشد الحل هو استخدام القطران الحجري تحصل عليه من عندكم مجاني من الدوله |
رد: اثار الصدفيه
اقتباس:
سؤاااااااال لو سمحت الصدفيه اللي بأطرافك بأي مكان؟؟؟ بالكفين او الساعدين او ...؟ :rolleyes: وين بالظبط |
رد: اثار الصدفيه
اقتباس:
ههههههه كفشتك :cool: ألحين صاروا هذولي أطراف :ppu أخوي الله يشفيك أنا مره قالي شيخ إن الترمس مطحون طبعاً يخلط مع الفازلين ويفيد في علاج الصدفيه وآثارها لكن بالنسبه للعلاج المضمون بإذن الله القطران وهو متوفر عندكم بالكويت ويوزع في المستشفيات مجاناً طبعاً بوجود تقرير طبي . |
رد: اثار الصدفيه
بالنسبه القطران اول مره اسمع فيه .... أنا راح اجرب الإبر لانه نفع مع أبوي بشكل مو طبيعي اختفت بالمره الصدفيه
اممم الصدفيه الحين صارلي تقريباً ٨ شهور بدون علاج من بعد الحبوب موجوده بس بالركب وشسمها بعد هههههههه والله مااعرف اسمها المهم كوبي الركب بس بالساعدين ع قولت جودينا بس ابي الاثار محد رد طريقة علاجها شلون * |
رد: اثار الصدفيه
انا قريت ان أشعه الشمس.مفيده في علاج بقع الصدفيه. وانا كنت استخدم زيت اللوز المر كنت استخدمه لترطيب وبالصراحه. مع المداومه احس خف الاسمرار لكن مانتهى
ونصيحه. القطران افضلك من الإبر لانه علاج وقتي. ولكن باذن الله القطران نهائي والله يشفينا جميعا تقبل مروري |
رد: اثار الصدفيه
المشكله الشمس عندنا تشوي بالصيف هذا غير انه الصدفيه تحت الملابس
والله اسمع وايد عن القطران تعرف احد يبيعه من غير دوخة مراجعات الطبيب |
رد: اثار الصدفيه
والله بالكويت ماعرف. كان ودي أساعدك00
|
رد: اثار الصدفيه
اشتري من السعوديه مع احد رايح هناك
|
رد: اثار الصدفيه
طيب أنا قريت من احد الاعضاء. أخذ رقم صيدليه ادمه وأرسلهم الفلوس وارسلوها فيدكس هو من داخل المملكه لكن ما اعرف اذا تنفع معك بالكويت
والحل الثاني قريت في احدى المنتديات شراء قطران الفحم الامريكي. عن طريق الامازون وخلال ايام وصله القطران بس كيف ألطريقه وشلون الاشتراك والله ما عندي خبر والله يشفي الجميع |
| الساعة الآن : 07:14 AM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour