يلا تفضلو على الغداء الجميع معزوم عند لمسة ملاك الدعوة عاآآآمة
طعام الواحد يكفي اثنين وطعام الاثنين يكفي أعضاء ملتقى الشفاء مممممم شوفو شو طبخت أنا عملت مقلوبة ودجاجة مشوية تفضلو وكلو وأعطوني رأيكم طبعا الطعم كان شهي كتير وأخوكم هدي الصحابة لازم يدخل ويعطي رأيه لأنه عجبو كتير كتير وطبعا زوجي مابيرضى ياكل إلا وفي عصير مع الاكل http://a1.sphotos.ak.fbcdn.net/hphot...69148514_n.jpg http://a5.sphotos.ak.fbcdn.net/hphot...00267966_n.jpg طبعا حبيت اخترع شوية ووضعت مع الكوكتيل شوية فيمتو ليعطي لون وطلع زاكي كتير وهادي كمان اختراع قمت بتثبيت الدجاجة بأعواد خشبيه ووضعتها في البايركس وطلعت متل الفروجة المشوية بالماكينة إزا بتحبو بعطيكم الطريقة http://a3.sphotos.ak.fbcdn.net/hphot...13471540_n.jpg http://a7.sphotos.ak.fbcdn.net/hphot...30677693_n.jpg قمت بشوي مكونات المقلوبة من بطاطا وزهرة وبيبي كاروت بالفرن بدل ما أقليها عشان نحافض على أكل صحي |
رد: يلا تفضلو على الغداء الجميع معزوم عند لمسة ملاك الدعوة عاآآآمة
السلام عليكم
ما شاء الله أكلة طيبة كثير،،،، وصلتني ريحتها شبعت بالهناء...علي وعليكون .. والعصير كمان فكرته حلوة مشكورة على هذه الدعوة الطيبة ويسلم يديك.. -امممم من هو هدي الصحابة :confused: |
رد: يلا تفضلو على الغداء الجميع معزوم عند لمسة ملاك الدعوة عاآآآمة
هدي الصحابة هو زوجي ياعبير وصحة وعافية على الأكله بتنورينا كل يوم |
رد: يلا تفضلو على الغداء الجميع معزوم عند لمسة ملاك الدعوة عاآآآمة
بينور أخ هدي الصحابة ربي يخليه ليك ِ( ويرزقكما من حيث لا تحتسبا ) |
رد: يلا تفضلو على الغداء الجميع معزوم عند لمسة ملاك الدعوة عاآآآمة
برياني على طريقتي ولكن للأسف مالحقت صورها لأنو راحت http://a2.sphotos.ak.fbcdn.net/hphot...33649278_n.jpg صحة وعافية |
رد: يلا تفضلو على الغداء الجميع معزوم عند لمسة ملاك الدعوة عاآآآمة
اقتباس:
الله يسعدك ياأختي عبير ويرزقك الزوج والذرية الصالحة آمممين على الدعاء الطيب |
رد: يلا تفضلو على الغداء الجميع معزوم عند لمسة ملاك الدعوة عاآآآمة
ما شاء الله دعوة مقبولة لسفرة طيبة يكفى أنها من صنع يدك حبيبتى ملاك تسلم يدك يا سيدة الشفاء .. الحمد لله رب العالمين .. أكلنا وشبعنا :D أريد طريقة الدجاجة والمقلوبة .. أفيدنا يا طيبة :o أكثر ما أعجبنى أن مكونات المقلوبة غير مقلية لأن القلى بالفعل مضر ويجب الإقلال منه مثلاً وضعتى البطاطس والقرنبيط و الجزر فى قليل من الزيت للتشويح على النار ثم أضفتيهم على الأرز :icon14: أخبرينى عندما يسمح وقتك غاليتى :_11: مرحبا بزوجك الطيب .. أسال الله أن يرزقكما الذرية الصالحة ويبارك لكما |
رد: يلا تفضلو على الغداء الجميع معزوم عند لمسة ملاك الدعوة عاآآآمة
أولا صحة وعافية وبالهنا والشفاء كيف عملتها اول شي لبست ملابس المطبخ وغسلت يدي واحضرت الدجاجة والملح وفركتها منيح عشان انضف واعقم الجلد الخارجي لأنو بدي اشويها شوي وازلت الدهون منها والزوائد من الجلد والذيل وغسلتها مرة تانية بالمية الآن البهارات ملقعة من البابريكا الحمراء الحلوة ( فلفل احمر حلو مطحون ) ملعقتين خل عصرة نصف حبة ليمون ملعقة بهار دجاج ملعقة بهار كاري ملعقة فلفل اسود وملعقة ثوم مطحون بودرة وثلاث ملاعق زيت زيتون وطبعا ملح خلطت البهارات سوا وضعت الدجاجة في البايركس ومررت يدي فصلت الجلد عن اللحم بذكاء يعني بدون ماخرب الجلد دخلت السكين واجريت شرطات بالسكين باللحم عشان ادخل البهارات احضرت ملعقة وصرت دخل البهارات تحت الجلد واوزع البهارات كلها تحت الجلد وبعدها اللي زاد فركت الدجاجة من برا بعدين احضرت سياخ خشب وثبتت الدجاجة ورفعتها على البايركس ووضعت كاسة مية تحت بالبايركس طبعا الدجاجة مرتفعة عشان تنشوي تركتها ساعة كاملة بالفرن بدون ماغطيها فطلعت بهاد الشكل ودايبة استوى المرقة اللي نزلت منها اضفت لها ماجي وتركتها شوية وازلت كل الدهن واستغنيت عنه بشوية زيت زيتون |
رد: يلا تفضلو على الغداء الجميع معزوم عند لمسة ملاك الدعوة عاآآآمة
طريقة شي الخضراوات بحضر صنية الفرن تيفال بقطع الخضار وبدهنهم بشوية زيت على الخفيف وبملحهم وبحمرهم وحتى الباذنجان كذلك الآن نأتي لتطبيق الطبخة بكون نقعت الرز بالماء وغسلته منيح بضع شوية منه بقاع الطنجرة وبضع جميع الخضراوات تبعون المقلوبة برش رشة قرفة فوق الخضراوات وشوية بهار مشكل وفلفل وبضع بقية الرز وبضيف مرقة الدجاج وبغليه شوية وبعدها بهدي النار وبتركه حتى يتفتح وبعدين قدميه زي مابتحبي بصحن صينية انا زوجي لازم يكون الاكل وكأنو في مطعم لازم زيين السفرة له بمناظر لياكل بشهية وصحة وعافية للجميع |
رد: يلا تفضلو على الغداء الجميع معزوم عند لمسة ملاك الدعوة عاآآآمة
|
| الساعة الآن : 11:53 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour