ملتقى الشفاء الإسلامي - يمه..يضمني حزني وأنا حيل أضمه

ملتقى الشفاء الإسلامي (http://forum.ashefaa.com/index.php)

- ملتقى الشعر والخواطر (http://forum.ashefaa.com/forumdisplay.php?f=30)

- - يمه..يضمني حزني وأنا حيل أضمه (http://forum.ashefaa.com/showthread.php?t=134218)

يمه..يضمني حزني وأنا حيل أضمه

.

يمه عساني ما أزعجتـك يـا يمـه

أحس في صدري عذاب وحرقه

يضمني حزني وأنا حيـل أضمـه

كنه ضناي وشوفته شوف ضيقة

يمه وأنا بنتك وإذا قلت يمه

شوفي لحزنـي والمواجـع طريقـة

ضمنيني لصدرك ثمانين ضمه

ضمة عشيـق ٍ مايفـارق عشيقـه

وكانك سألتي خاطري ويش همـه

بعلمك وأبي جواب الحقيقة

ليه الزمن اليوم مافيه ذمة ؟!!

وليه الطعون اللي بظهري عميقة ؟!!

وليه الولد يبوق في بنت عمه ؟!!

وليه الرفيق يخون عشرة رفيقه ؟!!

وليه أنخدع في ناس كانت مهمة ؟!!

ويوم أكتشفها وهم ماله حقيقة ؟!!

وليه الذي وقت الرخا كان قمة ؟!!

ووقت الشدايد مالقينا طريقه ؟!!

وليه الحسد يمي من عيون عمه ؟!!

وليه الخطأ لو قلت كلمة رقيقة ؟!!

أزيد يمه ولا كافي مغمه ؟!!

أشوف عينك من هماها غريقة

يمه دخيلك آسف آآآآآهـ يمه

كـنـي جرحتك وأنتي أغلى رفيقه ...

تحياتي
أتمنى أن تنال أعجابكم
أعجبتني ونقلتها