صنعت فى مصر
ياخونا مين فينا العميل
انا والا اخويه
مين اللى ناكر للجميل
مين عاق لابويه
مين اللى نفسه يريحه
ويجنبه هموم دنيته
مين اللى عايزه من النهارده
يصحى لاخرته
هو اللى نفسه يطول ابويه فى غمته
ده يبقى اخويه
ياخونا مين فينا اللى خان
وبناله قصر
مين اللى ناهب خيرنا
مين غيب ضميرنا
مين اللى رجع الجمل
من الف عصر
ياخونه دى ثورة شبابنا فى الميدان
مفيهاش اجانب من حماس او من ايران
ولا فيها واحد مننا ماسك دولار
اكبر عدو جوانا هما الامريكان
ازاى نحارب حلمهم بالقسوه ديه
قناص يوجه فوق صدورهم بندقيه
طوبه وقنابل مولوتوف قدام عنيه
مين اللى خاين للبلد
مين اللى باعت بلطجيه
مش هما دول اللى بلدنا بيحكمو
ياما قولنا دول بيزورو وبيظلمو
كان مين سمعنا لما قولنا حرام عليكو
حكم القضى ازاى تشوفو وتهملو
دلوقتى فوقتو لما حسيتو الخطر
عايزنا نرجع بلدنا مش جزر القمر
لازم نفوق شعبنا ونقوله يخرج
عصر الفراعنه بينتهى
واحنا التاريخ المنتظر
ياخونا مين فينا العميل
مين اللى خايف عالنظام
مين اللى ماسك مكنسه
مين اللى رجع الاحترام
مين اللى بيمشى المرورجوه الشوارع
غير الشباب اللى انتفض ضد النظام
ياخونا دى ثوره وعمره ماشفها عصر
ولافيه اجانب حركتها
ولافيها ناس كارهين لمصر
الثوره دى ثورة شباب
ثورة بلد صنعت فى مصر
ياخونا مين فينا البرئ
انا والا اخويه انا ابن مصر