ملتقى الشفاء الإسلامي - أيوة أنا مبصاحبش

http://www.ashefaa.com/goup/images/8...7353958870.gif

مع انتشار الصحوبيات والخروج عن الحدود والآداب فى علاقة الفتاة بالشاب ، كثيراً ما نرى مناظر مؤذية للنظر وتحزن النفس

وإن تكلمت ونصحت يبقى أنتِ معقدة ..أنتِ ما جربتش .. أنتِ ما تعرفيش :confused:
فعلاً ما جربت ومش هيحصل إلا مع نصيبى

وأنا ليه أغضب ربى وأقلل من نفسى فى نظرى وأخون أمانة أبى وأمى

وجدت هذة الخاطرة تحكى عن واقعنا المؤسف الذى نعايشه ونراه .. نسأل الله الثبات والهداية لبنات المسلمين

أيوه حقولها بأعلى صوتي

و حفضل أكرر فيها لحد موتي

و ميهمنيش يتقال عليا مغروره

أو بنت شايفه نفسها و منفوخه

http://www.ashefaa.com/goup/images/0...1474010550.gif

ليا حق إني أرفع رأسي و على عفتي أبقى مسنودة

أيــــــوة أنـــــا مـــبـــــصــــاحــــبــــش

و مش مضايقة أو مخنوقة

وإياك تقول عليا مكبوتة

أو م المتعة محرومة

بالعكس ده من غيري محسودة

و من اللي بيفهموا مطلوبة

http://www.ashefaa.com/goup/images/0...1474010550.gif

أنا بنت عشت و حعيش شريفة

و حيائي ليا ميزة

عالأخلاق حفضل ماسكة

و عالقيم دايما حكون ثابتة

أنا عشت و هعيش بعفتي و بيها حفضل فخورة

إيدي متمسكتش و عمرها ما هتبقى ممسوكة

انا جسمي عليا غالي

ميبانش إلا لحلالي

و عمري ما هفكر إني أخونه

أو أضيع حق من حقوقه

ده أنا بنت ناس طيبين

متعوب عليا كتير

مبعش نفسي بالرخيص

عشان حنيّه لوحدتي تكون تعويض

أو كلمة حلوة تخلي ثقتي ف نفسي تزيد

و كل ده لحد ميستاهلنيش

بس عايز يلعب بيا

و يضيّع وقت فراغه عليا

أنا أضحيله بنفسي وهو يبيعني و يجرح فيا

شخص استغلالي مليان انانية

أنا بالنسبة له هدف و غرضه الاستمتاع بيا

شغلته هي التحكم فيا

ماعاش اللي يفرض نفسه و سيطرته عليا

http://www.ashefaa.com/goup/images/0...1474010550.gif

أنا روحي للمعصية أبيّه

الطاعه بالنسبة لي هي الحريه

أنـــا قـــلــــبـــي مـــلــــك ربـــــي

و ربـــي ده حـــبـــيـــب قـــلـــبـــي

فابعد عني يا ابني

و إياك تحاول تكسبني

ده أنا رضايا صعب الوصول

و النظر ليا ده شيء ممنوع

أما حبي بقى

فيحتاج حروب

وأوعى تفكر إنك عليا تلف و تدور

و تفضل تقول ف كلام معسول

لا لا

أنا مش من دول

أنا اللي احترامي جزء من كياني

أنا ربى علاني وقالك أوعى تلمس

ده!!

بص يا ابن الحلال أنا غير طريق بيتنا معرفش أوصف

و غير جوزي مبحبش

طريقي واحد مليش لغيره سبيل

يا حلال و ربي راضي

يا تشوفلك غيري وواضح كلامي

أنا قلت كل ده عشان عايزاك تحافظ عليا

ومتشوفنيش سهلة أو لحبك مستنية

صحح مفهومك أنا عن رضا ربي و حب النبي مش مستغنية

ياريت تقدر إن ضعفي ده قوة موجودة فيا

و حياتك مش حيكون ليها طعم إلا بيا

و عمرك ما حتعيش سعيد إلا برضا ربنا عليك و عليا

http://www.ashefaa.com/goup/images/8...2243782536.gif

الخاطرة : منقولة مع تعديلات بعض الألفاظ
المقدمة : إضافة شخصية