ملتقى الشفاء الإسلامي

ملتقى الشفاء الإسلامي (http://forum.ashefaa.com/index.php)

- من بوح قلمي (http://forum.ashefaa.com/forumdisplay.php?f=72)

- - ألا يا بحر .. (http://forum.ashefaa.com/showthread.php?t=103723)

ألا يا بحر ..

الا يابحـر .. فينـي مـن الحـزن .. كثـر مافيـك ..

من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..

ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..

وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..

دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..

إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..

ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..

يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..

وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..

ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..

أعرف تراني .. تحت .. ذيـك .. النصايـب !!

رد: ألا يا بحر ..

16 واحد يمر ويقرا نبي تعليق واحد

أفااااااااااااا بس

رد: ألا يا بحر ..

عادي قولو القصيده طويله وملييقه حيل

عشان اللي يقول اقص ارقبته :)

رد: ألا يا بحر ..

السلام عليكم ورحمة الله وبركاته
حياكِ الله اختي في الله
احساس زوجه
قبل ان اقول رأيي في القصيده,اود ان اقول
شافاكِ الله وجميع مرضى الصدفيه
وجعل الله ما اصابكم كفارة لذنوبكم
والآن اقول رأيي :)
كلمات مميزه وحساسه ورقيقه
اسأل الله ان يبدل همومك واحزانك افراحا ومسرات تملأ قلبكِ
اسعدنا الله في الدارين :)

رد: ألا يا بحر ..

جزاك الله خير أختي على نقلك الطيب

رد: ألا يا بحر ..

شكرا عالردود الحلوه

رد: ألا يا بحر ..

السلام عليكم اختي احساس

اسال الله العظيم ان يشفيك شفاء لا يغادر سقما وجميع مرضي المسلمين

جزاك الله خيرا اختي علي هذه القصيده

في حفظ الله

رد: ألا يا بحر ..

السلام عليكم ورحمه الله وبركاته

اختي الحبيبه

احساس زوجه

سلمت اناملك على ما خطت

قصيدة معبرة رائعه....

لكنها حزينه جدااا

نسال المولى عز وجل ان يبدل احزانك افراح

ويكتب لك المسرة والفرح في الدنيا والاخرة

و ان يشفيك من الصدفيه عاجلا غير اجل

اللهم امين

دمت بحمى الرحمان

رد: ألا يا بحر ..

إحساس رائع يا(إحساس)
وقصيدة أروع
بوركتِ وشفاك الله ومرضى المسلمين